Vpisala sam se vuto teretano

Komaj janpot sam se vpisala vuto teretano.

Dem jo zaron, kaj me nej što videl, ali kajbi, več je njih pet nekvi vrog donesel. Kaj te ljudi nemajo pametnejšega posla? No, tak vam jo platim člansko korto (je ne baš tak fal) i veli mej te za puljtom –
– hote se presleči a onda prvo petnojst minot zagrejovanja.
 

 
Preslečem se jo, sam si kupila se novo i to vu Lidlo jer so meli nekvo akcijo. Sam me malo ove šlape tiščejo ali veli soseda da se bojo za por dni razgazile a morti i razišle. Tak, dem jo vu dvorano i ve gledim i gledim i spozim mesto zagrijovanja. Potlji pet minot je došel on mož z puljta i rekel mj je da ne moram več sedeti na radijatoro da sam se dost zgrela. Neznam samo zakaj mo je to bilo tak smešno. A neje mi bilo tre niti teh petnojst minot!

No, onda me del na nekvo trako, kaj vu onim štacunima, samo kaj to ide vu rikverc. Zgledi da je nešče fuljal pak sam rekla onomo možo da so štenge pokvorene. Onda je rekel kaj pem veslat. Gledim jo, pak ga nigdi ne vode niti čona. Dene on mene na nekvo sumnjivo mašino a jo pitam – de pak so vam vesla?. Kaj vam je nešče fkral?

Onda mi je dol nekvo veljko lopto kaj bom nonji sedela ali sam se mom prehitila. Pak smo ne deca! Sam jo tu došla po ozbiljnom poslo a ne kaj se bomo loptali.

Onda je rekel da je za denes dost i da nej obavezno dem i zutra jer sam jim sema vlepšala dneva. Aha! Ste vidli! Tak se vežba. A i da nesam došla niti nej znali da im one štenge nopak idejo. Što zno kaj bom se zutra našla.

Suzana Martinuš
 

*********************************INTERMEZZO**********************************

Donirajte Udrugu Mlada pera

Donirajte Udrugu Mlada pera
Dozvoljeno je dijeljenje i kopiranje sadržaja ovog portala na druge portale, stranice ili blogove, uz obavezno navođenje izvora.

Odgovori

Ova web-stranica koristi Akismet za zaštitu protiv spama. Saznajte kako se obrađuju podaci komentara.