Klofanje tepiha v nedelo

Nedelja rano vjutro. Tak, koli pol sedem. Črez sen čujem nekaj – dum, dum, tok,tok,tok..
Srčeko skoči kaj lipicaner z postelje
– ki to vrog? Kaj se pripetilo?
– idi pogleč. Otpri bloka pak se naljukni.
Otpre srčeko bloka i najenpot nastone megla, breše bogec kaj stekli i joči mo sozijo.
– Jezoš i Marija! (začvrčim jo) Korona!! Pokri si gopca!
– kaj tje! -zapišči nekak srčeko kaj na vodeno fučko. Nikva korona. To mort komorce špricajo.
– dej nej! Em ništ ne smrdi. A bormeš nej sam kukci pocrkali neg bi i ti več rital z nogomi.
Razgrne srčeko nekak toga dima a prek pota soseda Štefa viče
– kaj je posponci! Ne vera kaj sam vas zbodila. Jo klofam tepihe a mi se vidi da ste malo zamodeči.
– Štefa, pak je denes Nedelja. Vrog te skeljil z klofanjem! – srdito je odbrusi srčeko.
– kaaaaj?? Nedelja? Jezoš meni! Na dobro! Božek pomogaj!
– no pak nej tak cviliti. Em je ne tak veljki greh kaj denes ron klofaš tepihe.
– jeee, je ne to zbog toga. Sam v šest zbodila Đurija i v silo ga natirala da je zamodil na posel! Sam mislila da je pondeljek. Ve dok se vrne bolje kaj me na pre hiži.
Idem mom k vam na kovo i žganico.
…..
Sam sam čula išče kak je srčeko rekel
– ki me vrog natiral kaj otprem bloka!?
(I gledi mene. Zakaj??? Baš se pitam 🤔🤔🤔)

Suzana Martinuš


Donirajte Udrugu Mlada pera

Podržite literarno stvaralaštvo djece

kn

Odredite sami iznos

Select Payment Method
Personal Info

Donation Total: 1,00 kn

Gabi prijevodi
Dozvoljeno je dijeljenje i kopiranje sadržaja ovog portala na druge portale, stranice ili blogove, uz obavezno navođenje izvora.

Odgovori

Ova web-stranica koristi Akismet za zaštitu protiv spama. Saznajte kako se obrađuju podaci komentara.

%d blogeri kao ovaj: