Dalmoši, tak kaj bote znoli

Penziči so išli na izlet vu Dalmacijo pak sam se jo prikrpala japici i mojčiki.
Tak smo mi došli vo Split, razgledali grod i ve kak so nam doli por vur fraj, nešterni so se razbežali iskat zahode, nešterni na kovo a nas tri vu štacun kaj si nekaj hitimo v kljun.
Dojdemo mi nuter vu te nekvi štacunček i japica mom kaj soldot stone pre kasi. Pucka ga pita
– izvolite, šta čemo?
– ništa, ništa (pove japica onak po štacunjski) neka gospođe svoje riješe (to gospođe smo mojčika i jo)
A mojčika onak po domoči veli mej
– hoj ti zemi pet,šest žemlji i trdesti deki ekstervuršta a jo pem poljuknem ali imajo radajnera
Ona pucka za puljtom je vudrila vo smeh i namegne japici
– a oli ste vi meštre nji dvi išta razumili? Što ne pričadu ka sav normalan svit asti gospe!

Jezoš i Marija! Da ste vi to vidli. Japica se vužgal kaj vozmenka. Okrenol se k pucki i zagrmel je
– čuj ti dete drogo! Veliš normalen svet? Hoj ti vo Međimorje pak moreš ti govoriti kak gojt očeš i iskati kaj gojt poželiš. Moreš mađerski, kineski ili čunga lunga. Se jano. Si te bojo razmeli kaj očeš i dobila boš točno to kaj očeš. Kak saki normalni svet. I nišče ti se na norca delal. Sam kaj boš znola, fučka mi se ali si ti mene ve kaj razmela ili ne i kaj se mene dotikovlje pišite me si skup vrit!

Tak smo mi dišli z štacuna bez žemlji i ekstravušta a japica sje moral potlji spiti ono jano žoto i jano belo tableto kaj de k sej.
Mojčika ga je treptala i napohovala se kaj pura a gledala ga je kaj vrečico cukora.

I sam kaj vam išče rečem, naše je morje i dalje lepo plovo i slono, i dalje ga je čudej vrednih i dobrih ljudi ali nigdi je ne tak lepo kak dok dete vu naš domoči kraj, naše lepo Međimorje i dok čujete ono
– sosed, kak si KAJ?
– KAJ ima novoga?
– KAJ ste de bili?
Najlepše naše KAJ!

Suzana Martinuš

 

*********************************INTERMEZZO**********************************

Donirajte Udrugu Mlada pera

Donirajte Udrugu Mlada pera
Dozvoljeno je dijeljenje i kopiranje sadržaja ovog portala na druge portale, stranice ili blogove, uz obavezno navođenje izvora.

Odgovori

Ova web-stranica koristi Akismet za zaštitu protiv spama. Saznajte kako se obrađuju podaci komentara.