Se veli murva ili…
Naš vujča Feri (on z Dojčlanda) je inače velki škrteš (on veli da je šparaven), ali jano leto so nas on i šacika pozvali v njivo bojto na morjo.
Nejte pitati štera je to šaci po redu. Mi smo mislili da je tretja ili četrta.
Tak smo se mi hapili rasprestirati po plaži a japica, srčeko i pucka so išli iskat de ima kaj zdenoga za vuse natočiti.
– gleč, (veli srčeko) tu je nekva konoba “Dve murve”. Pucka idi ti skoči tam pak jim poveč desmo.
Mala odskoče i kak so deca na pol pota počne zijati kaj da jo i taljoni morajo čuti
– maaaamaaa!maaamaaa! Japica i tata so dišli na pivo z dve ku*ve!
Jezoš i Kristoš i si sveci! Jo sam skorom pogotnola koščico od marulice štero sam dve vure cmukala. Mojčiki je suncobran z rok opal direktno šaciki na tikvo. Bogica je nekaj na dojč cvilila ali se ve več nišče ne zmisli kaj. Vujča (i išče por nekvih moži) je skočil kaj zojec, zgrajil kebelora i pital pucku
– de? De? Kam so dišli? Hoj mi pokoži!
No i ve vidite kakov je to bil zmešeraj. Lefko bi bokci nadropali zbog tam nekve dve murve. A da so ji lepo doli ime “Dve maline” nikom ništ! Murva! De je što videl i čul kaj se nekaj tak finoga tak grdo zove?
I sam kaj bote znali, to šacika broj tri ili štiri je več nigdor ne došla sim. Ne znati zakaj.
Suzana Martinuš
*********************************INTERMEZZO**********************************
