Rafangerač

U sklopu projekta „Nisam danguba, samo stvaram povijest – zlatne godine koje govore“ i programa „Život se ne arhivira – on se piše“, ova istinita životna priča Irene Vičević otvara vrata jednom vremenu koje se ne pamti po velikim naslovima, nego po sitnim, ali neizbrisivim trenucima svakodnevice. To je vrijeme u kojem su se karakteri gradili uz toplinu štednjaka, miris dima i zvukove tihe obiteljske dinamike, a život se odvijao sporije, ali punije.
Kroz živopisni međimurski govor, autorica nas vraća u kuhinju svojih roditelja, među molitvu i nestašluk, stroga pravila i snalažljive prečace, gdje se sudaraju pobožnost i ljudska slabost, red i humor.

Mojča Franca i tati so se navek keckalji, tregmalji i pregovorjalji. Mojča so bilji pobožna žena, holji so sako nedeljo i za cirkvene svetke fk meši, a domaj so krunico moljilji kre toploga šporheta i rožarija prebiralji. Potkurilji so z ljuščinjem, scepanim vehjem, drobnim treščicama i koruznim kocenjem. Cpot peči je bila kišta z suhim cepanicama, nametalji so čez vrota šporheta drevo ilji deblješe scepane trčke čez kroglje rinke na plati peči. Kurilji so s drevo po drevo, pazilji jognja kaj se ne zagosi. Z dogim željeznim šerangljinom roštalji so žerjofko, i sedelji na drveni klopi ko je mela poklopca i gori vanjkušeka kaj njim bo za rit toplo. Zavezalji so se z hrđovim debeljim zimskim ropcom, kolji hrpta, kaj njis na zeblo.

Večpot njis je toplota jognja hitila v dremež, f peči je podjednok pockalo pok so zakljukalji, zaspalji, broda njim je klocnula, lampa se otprala širom i gebis zobi njim opal vun. Unda so cmafkalji, z rokomi v snu iskalji de so zobi, žvakalji i preživalji na suho. Gosto so njim se bede cedilje na črni šurc.

Došel je tati nuter, zvuna, čistil je z drvenom vejačom veljkoga snega, ke je zapal po celjem gruntu. Fest se nahital, pok je bil žejen. Donesel je z pelnice črnjoka f zemljonomo krigljinu i natočil si f glajžnotu kuficu. Prijela ga je glod, a denes je petek, veljki post i nemrs, kaj so mojča strogo obdržovalji. Videl je da oni spidu i dišel stiha po drveni lojtri na nojže. V žepu hloč je navek nosil kranjčeca nožeka. Ž njim je drezal klobosa, koj se sušil obešeni na dogi boti kre prelje ot rora. Tati je vrotašca ot rora ostovljal otprta, kaj suho meso i klobosi još dobidu malo šmeka, fino duho, mirisa po dimu. Pojel si je finoga klobosa, bez kruha, i još drezal malo masnoga špeka za poslje, ak bo gloden v noči. Najte misljiti da je moj tati bil debelji! Ne, on je bil žilavi čovek, mel je struka tak tenjkoga kaj se mogel z rokomi šepeti! To znači da se z dve roke mogel poprek v struku prijeti. Provi međimurski, zdelani mož, naprovljeni ot mišiči. Špeka je ne bilo na njemo, sam v njegvomo žepo!

Dok se spustil z nojža, mojča so se rezbontralji i zbudilji. Čulji so da nešče gori na nojži rošta, pok so misljilji da je hrčica, ilji nekva ftica da se zavljekla pot krof. Primetilji so da tati prekoša, žvače nekaj met zobima. No, ti jen nefkretni čovek- tak so mo reklji. Pok si meso fokšil na nojži!
Nesem mama, nesem, znom da je petek- tak je tati odgovoril. To mi se koruzna melja od jutra med zobe zadela, pok jo nemrem spehati!
Na tomo je završilo.

Vutemtoga je na ganjčena vrota pokočil rafangerač, črni, zamusikani, z zasukanim kefama i s črnom kapom na glovi. Dišel je na nojže rora čistit. Mojča so komenteralji da njim bo celo stonje začrnel, kaj je ne znal v jutro dojti, dok so još ne zakurilji? Namotalji so store cunjke kolji rora, se pljehnote cevi so obložilji kaj se na čorilo f kuhnju. Rafangerač je roštal, na nojži ljupal, prošilo se seposot, bobnol je črni masni trog na šporhet. Poslje dostik cajta, rafangerač je došel dolji. Tati ga je ponudil z črnjokom, kaj si požeroka sploji. Trinkalji so se z kuficami, japa i rafangerač, nudilji se i nazdrovljalji jen drugomo. Unda se rafangerač zdigel z stolca, z žepa mo je palo por klobosi! Tati se držal kak da ništ ne vidi, a mojča so poslje dok je rafangerač dišel, komenteralji: no, viš, a jo sem tebe potvorjala, da ti klobose zemlješ na posni den!

Autorica: Irena Vičević

*********************************INTERMEZZO**********************************