Čerevec drač

U sklopu natječaja “Nisam danguba, samo stvaram povijest!”, donosimo vam još jednu živopisnu priču iz zlatnih sedamdesetih, kad se na zadružni otkup nije išlo bez pedala, zeleni čerevec nije rastao bez konjskog gnoja, a svaka ogrebotina i žig od koprive nosila je svoju malu povijest. Irena Vičević vraća nas u dane kad su črnjoki, gliste i drač bili svakodnevica – i kad je i pad s bicikla u grabu bio dio pustolovine koju vrijedi pamtiti.

Negda zdonja, f prošljem stoljetju sedamdesetih ljeta, mojča so mene i sestru štiri ljete mlajšu, poslalji prek druma, napolje, brot čerefca. To je fini, zeljeni ekološki drač, koj je rosel na črnomo oronjo koje se pognojilo v jesen s kroskim i konjskim gnojom, koj se cele bogovo ljeto kutil na zbetonerani gnojni jami poljek štalje. Praf fini, zrelji, dišeči, zapraf smrdeči drek pomešani z dogim senom s porme.

To smo v jesen, dok su se rodne koruze pobralje i visoko korzinje poželo, vozilji na kolji napolje. Teško smo reshitovalji z špičastim rosovami po celji zemlji. Navek me tati tiral kaj pem ž njim. Prvo je voz dreka/štolskoga gnoja tak smrdel kaj mi je išlo na riganje, alji zapoved je bila zapoved! Stareše se trebalo posljuhnuti! Na prikoljicu je tati, na krojo, nahital i ljuckoga dreka z našega drvenoga šekreta. Kak je pok to smrdelo, kak steklji tolvaj, kak vrožje noge koje si hudič nikdor ne pere! Unda me još tati napoljo šimfal kaj z rosovami podjednok reshičem gnoja, ne se na jen kup, nek sim- tam, ljevo- desno, podjednok. Kak je to vonjalo, dunstalo se na sonco, smrdota se porila v zrok! Malje, dosadne mušice so ljetelje okolji i debelje muhe mesarice pune žoti jajci so zujalje i brncalje kolji moje glove, a v gnojo so bilje doge ruse gljiste i sakojočki debelji kukci.

Poslje toga, japa je gnoja zaoral v prhko zemljo, črna kobila Vranka je posljušno zaorjala i zemljo v ret postojla.

Na takvomo poljo je rano v prtuljetje zroslel gosti drač čerevec i zeljena šelota- divlji, poljski matovilec, puni vitamini i sakojočki mineralji koji so ljudima, svinjama i mladini dovalji snogo i zdrovje. Ot toga smo fljetneše roslji, bilji zdravi i đeđerni. To naše polje je bilo za stočnom vogom, de so se fljetni iceki i glatke icike, žmefki do sto dvajsti kil, vozilji na otkup. Tu je bila Poljoprivredna zadruga. Otkupljivalje su se tu friške koljinjske horane svinjske kože, pajcekovi požlji koji so sljužilji za delanje ljepila tutkala v nekvi tvornici, sljinavi poži koje smo pobiralji kolji štreke i na skurenim senokošama, debelje svinje za otkup na klaonico i malji pajceki za tov, goseča jetra ot šopani goski koja se ljifrala Talijonima. Nekof drobni penez se navek mogel zasljužiti, ak si ne bil lje bod kaj, ništ koristi i ak si si ne celji Bogovi den samo kosmota jojca čohljal i kosmatinje pot pazuhom gladil.

Odzoj za zadrugom, de je delal Pika, bil je prelaz čez pikasto kupinje i veljko špičasto trnje. Zapraf, ak si štel po prvomo poto prejti napolje, tre je bilo dalko iti, po prašnomo poto se okolji. No, to je nam bilo dalko, pok smo naprajlji prečeca čez vožinjavo, prek kupinca, trnja i koprivija. Tu v zeljeni grođi so roslje divlje, malje, drobne, plove hruškice i fini, temni, kiselji kupinec. Se smo to trgalje i pojelje kak pohloknjena deca, kak glodni požrljifci, zdropalje si golo kožo i spikalje se po rokoj i nogoj. Deg-de je bilo visoko, zeljeno, žgeče koprivje koje je žgelo i peklo kak steklo, kak som vrok po golji koži. Unda smo se narivalje prek veljke Gospodinove zemlje i došlje do našega oronja. Zapraf, za Baričom, velečasni je mel dogo zemljo posađeno z koruzom, kojo so mo selski ljudi, zabadaf, obdelovalji. Za Bog ploti! Takve so bilje regule, Bogu Božje, caru (vlosti) carevo. I bogec, Međimurec, neje ništ pital net komenteral. Kaj se mora i kaj je ret, mora se! Jeni ljudi so zoralji zemljo, drugi zabadaf posejalji, tretji holji kopat drača, nekoji toklji trdo gruđje. To se moralo, selski ljudi so delalji ilji so bogotoši platilji nekojemo nadničaro kaj to zbovi mesto njis.

Tak smo sestra i jo prešlje to zemljo i došlje do našega oronja, punoga zeljenoga drača čerefca i matovilca- temne šelote v maljim grmekima. Fljetno smo nabralje puno culo ot hodičnoga plotna, zavezalje z zeljenom šibnotom gožvom, hitilje smo na kormon, a mlajša sestra si je sela na paktreger. Tiram, tiram pedalje, culo se na željeznomo kormonu smica sim- tam, a sestra nogu porine f tenjke špice na zodnjemo kotočo. Dljetela sem, znogla, najempot, prek kormona, glova mi se zapičila f sipki, toplji pesek kre pota, žmefko culo palo je nome, a mlajša sestra je dljetela f glaboko grabo de so skunčači skunkalji i punoglafci plavalji! So sreča kaj je culo bilo zvezano i črevec je celji došel do pajceki!

*********************************INTERMEZZO**********************************