Ivekova ženidba

Vremešni kolega Ivan Grahovec ne posustaje, štoviše sve je aktivniji i aktivniji pa je za naš projekt “Nisam danguba, samo stvaram povijest” poslao još jedan prilog, ovaj put humoristični igrokaz! Uživajte!

Komedija iz Međimurja, (kajkavski jezik, govor sela Mačkovca kraj Čakovca)

LIKOVI:

KUMA KATA: Starija žena, obučena kao obična seoska Međimurska žena s maramom (rupcem) na glavi. Pokretima ruku i tijela označuje svoj govor.

STRINA FRANCA: Starija žena, obučena kao obična seoska Međimurska žena s maramom na glavi. Pokretima ruku i tijela označuje svoj govor.

VUJNA TREZA: Starija žena, obučena kao obična seoska Međimurska žena s maramom na glavi. Pokretima ruku i tijela označuje svoj govor.

MARICA: Djevojka, (starija djevojka), veselog izgleda, pokretljiva, našminkana, namazani nokti, na sebi ima malo kraću haljinu, bluzu s otvorenim dekolteom, frizuru, najlonke s navezenim uzorcima i poluvisoke bijele štikle.

IVEK: Dečko, pomalo zbunjen muškarac (stari dečko) naivna izgleda, spor. Ima na sebi obično „seosko“ radno odijelo, obične cipele i kapu sa šiltom.

PRVI DIO

MJESTO RADNJE: Međimursko selo, kuća, namještena (kuhinjski kredenc po mogućnosti) seoska kuhinja, stol, 4 stolice (štokrlini), itd.

U sobu kroz vrata ulazi kuma KATA u kojoj već za stolom (na kojemu je vrč vina i 4 čaše) sjede strina FRANCA u sredini IVEK, a do njega vujna TREZA…

 KUMA KATA: Dober večer.

SVI OSTALI: Dober večer.

 Kuma Kata sjedne kraj vujne TREZE. Nakon toga redom su sve tri (prva kuma Kata) počele Iveku (koji ih je sve pažljivo slušao) govoriti…

 KUMA KATA: (Ispije gutljaj vina, stavi ćašu na stol):

Poslušaj me Ivek…

Vidiš da ti je teško več tak somomo  živeti,

jo mislim da ti je več došlo vreme za ženiti.

Ako se oženiš čuda sega moreš meti,

naš se som močio i naš morao tak čuda trpeti.

Ti sam ženi moraš navek dober biti,

pak ti se unda nikaj hudoga nebre dogoditi.

Puco smo ti našle, ron za tebe, za saki posel, joko,

lepa je, sigurno se ti bo dopola,

dok se v jutro stoneš ona bode išče spola. (Prestane govoriti i opet ispije gutljaj vina.)

Nadovezuje se strina Franca…

STRINA FRANCA:

Da bi jo video kakše lepe kikle ima za svetek na sebi,

samo bi jo gledao, niti pomeknou se ne bi.

Je da so joj kikle malo prekratke,

ali zoto ima lepe noge, slatke.

Denešje puce mislijo da zgledijo bole,

ako so jim noge skorom do riti gole.

Naj se bojati, na sako zobavo bo štela s tobom iti,

bež je je niti do ve ne mogla niti jana biti.

Dobro pleše i tebe bo nafčila,

ga ne bilo zobave na šteroj je ne bila.

Prefrigana je, za se zobave zno i f šteri so seli,

lepo ti bo ž jom, navek bote veseli. (Prestane govoriti i ispije gutljaj vina.)

Nadovezuje se vujna Treza…

VUJNA TREZA: (Ispije gutljaj vina, stavi ćašu na stol i počne govorit):

Je, istina je Ivek, je ne nikša puca štera je sam doma, čedna,

denešjim je dečkima takša ne nikaj vredna.

Ti pak boš svojom mogeo zadovolen i srečen biti,

kaj ti ona več se zno, jo nikaj naš morao vučiti.

Saki bi se mož s takšm ženom štimao,

sam jo ti Ivek oženi, dober život bodeš imao. (Tu prestane govoriti.)

Nakon toga nastavlja govor…

 KUMA KATA: (Ispije gutljaj vina, stavi čašu na stol i počne govoriti):

Ivek, ako se očeš oženiti ti ne smi žena trpeti,

moraš joj pomoči, nekaj mesto je naprajti či očeš mira meti.

Moraš joko paziti kaj se ne predigne,

znoš da bo negda zmočena, niti ona se ne stigne.

Zaron se v jutro stani, pusti jo kaj bo spola,

hižo pometi, drugač bo ti metla predugo držola.

Zemi iglo i konca či treba šteroga gomba zašiti,

pusti ženo naj spi, naj jo tak zaron buditi.

Operi jope či so za oprati,

pospraj postelo kaj bo večer mogla bole spati.

A v nedelo dok ona k meši pojde,

ti joj obeda složi, znoš da ona lačna dimo dojde.

Peneze kaj imaš slobono doš joj,

bole da jih ona čuvle, nikaj se ne boj. (Prestane govoriti i ispije gutljaj vina.)

Dalje nastavlja…

 VUJNA TREZA: (Ispije gutljaj vina, rukavom si obriše usta, stavi ćašu na stol i počne govoriti):

Naj se nikaj bojati, Ivek, bo ti žena herbijo dobila,

sam se moraš malo strpeti, ti je ne ron takša sila.

Bo dobila sega, mortik i jano kravo,

dvo pletene koše i jano pojovo.

Sigurno bo metlo, srpa i koso mom dobila,

kak je ona dobra sigurno bo to s tobom podelila.

Marica se zove, večer moraš pri joj biti,

pre šumi ti je jena hiža, sam joj reči da jo očeš ženiti.

Bodi tam do pol noći, govori joj slatko,

video bodeš se bo teklo kak podmozano, glatko. (Prestane govoriti, digne se sa stolice i onako stoječki uzme u ruku čašu vina ispije ju naiskap i kaže obraćajući se ostalim ženama):

–Kata, Franca, hote idemo ve dimo, treba spot iti,

a Ivek pak kak smo rekle mora zutra k Marici diti,

i se joj se joj reči kak smo ga nafčile, bo ga ona štela,

je i tak več i tak stora puca, sigurno bo si Iveka zela. (Ostale dvije žene se tada dignu i sve tri krenu prema vratima dok se istovremeno spušta zastor.)

KRAJ PRVOG DIJELA.

PAUZA: U pauzi se može pustiti moja pjesma „MARICA,“ snimak mp3, a pjesma je na linku:  https://www.youtube.com/watch?v=Zv-Q181htUI

DRUGI DIO

(Namještena (kuhinjski kredenc po mogućnosti) seoska kuhinja, stol, pokraj stola sa stolicama (štokrlini) jedna „stolica“ klupa. Ivek kuca na vrata sobe)

MARICA: (Marica pita glasno): Što je?

IVEK: Marica, jo sam Radekov Ivek! (Marica ide do vrata te mu ih otvara):

 MARICA: To si ti Ivek, kaj pak je dobroga tebe k mej doneslo? Hodi nutri, sedi si tu na stolico.

(Ivek stane pred klupom):

MARICA: No, sedi si Ivek, pak si valjda ne pred menom strohom, sam si sedni…

(Ivek si sedne sramežljivo na pol klupe, a Marica pokraj njega)

 MARICA: Tebi pak sam se ne nikak nodjala, zoto sam joko najgarek kaj mi poveš kakša pak je nevola tebe k mej donesla?

IVEK: (Sramežljivo i polako joj odgovori): Znoš Marica, je denes došla k meni kuma Kata, strina Franca i vujna Treza!

Se tri so mi rekle da mi je več vreme za ženiti,

i naj te idem pitat či bi štela moja žena biti?

Išče so mi se tri čuda sega za tebe govorile,

Se naj lepše, pak so me tak na krajo i nagovorile.

So mi išče rekle kaj ti se najbolše poželem,

pak sam došao k tebi kaj ti to se na glos povem.

MARICA: (Iveku veselo):

Jaj Ivek, sam se ne nodjala takšoj sreči,

dej mi sam išče jampot znova reči,

tak si me iznenadio, pak očem sigurna biti,

si na čisto kaj govoriš, me ti sigurno očeš oženiti?

IVEK:

Išče kak sam siguren Marica, sam mi reči či očeš moja biti?

So mi se tri rekle da nam fletno morejo i gostuvaje složiti.

MARICA: (stidljivo istovremeno malo odmakne od Marice i obriše si drugom rukom čelo i počne govoriti malo brže):

Očem Ivek, očem sam dosti dugo puca bila,

Je i meni več došlo zodje vreme, kaj se oženila.

(Maricu se primakne bliže k Iveku poljubi ga u čelo i  primi ga za ruku…)

IVEK: (nabraja):

Kuma Kata, strina Franca i moja vujnica Treza so se složile,

kak na gostuvajo kaj biti mora so se več napre dogovorile.

Vujna Treza bode kuhala i kolače pekla,

Najbolša je kuharica, tak je ona rekla.

Vujni bodo soseda Ana i Ruža na pomoč bile,

posodo prole, a i jesti bodo na stol nosile,

sam, sam malo strohom kaj se tri nej napile.

Kuma pak Kata bode podsneholja, to oče biti,

či bo pred jom dosti vina kaj bo mela kaj za piti.

Kum Lujzek pak bo dever, sem svataj na veselje,

zoto kaj se oni joko veselijo dok jejo kuhano zelje.

Za starešino je pak vujč Valent zebroni,

šteromo se gosterajo pečeni i tusti puroni.

Strina Franca dovica, soma je tak štela,

kaj bo se kak treba se bo ona na brigi mela. (Gledajuči u vrču vino na stolu tu prestane govoriti, Marica to primjeti):

MARICA:

Ivek naj se srditi, skorom sam pozobila kaj te ponudim z vinom, sigurno si več joko žejen, a i mej je več se suho po zobe!

(Marica ode do stola, natoči dvije čaše i vrati se na klupu dajući jednu Iveku):

Ivek drogi ako je to več dogovoreno, živeli vu to ime,

i meni ti tak paše kaj bomo meli gostuvaje predi zime.

(Marica kucne u Ivekovu čašu, popije ne eks, dok je Ivek otpio samo gutljaj te se digne odloži čašu na stol i pođe prema vratima):

Čekaj Ivek, kam več ideš, naj se tak žuriti,

pak kaj nemaš čas niti kupico vina spiti?

Pak kam ti je takša sila najampot dimo iti,

jo bi štela s tobom tu i do jutra biti.

IVEK: (Sramežljivo):

Nemam več časa Marica, pol noči je, moram dimo iti,

strina Franca mi je rekla da morem pri tebi sam do pol noči biti,

a išče k tomo v jutro se moram zaron stati i v Doličo senokošo pokositi.

MARICA:

Dobro Ivek, či več tak veliš, glavno kaj smo se mogli dogovoriti,

Ivek dojdi i zutra k meni, jo bi štela s tobom spati, do jutra s tobom biti.

IVEK:

Joj Marica, pak kaj bodo unda ljudi po seli za nas govorili…

MARICA:

Ivek, pak naj govorijo kaj očejo, se nado oni s tobom ženili…

IVEK:

Dobro unda Marica, bom došao, naj govori što kaj oče,

i stori ljudi so od negda tak rekli: „Saki ljubi koga oče.“

Ali ve pak za istino moram iti dimo, moram se naspati,

ve sam se zmislio kaj po košji moram išče pol mekote zorati.

Idem, lehko noč, Marica.

(Ivek otvori vrata i ode.) (Marica se nakon toga okrene prema publici):

MARICA:

Joj meni, ljudi drogi, kak sam vam srečna i vesela,

sam se ne nodjala kaj bom tak dobroga moža mela.

Se ste čuli, ne moram vam nikaj več reči, gostuvaje bo taki,

i vas bom pozvola kuliko gut vas ima, si vi bote moji svati.

Vidimo se na gostuvajo! Vidimo se!

(Marica se okrene prema stolu dok se istovremeno spušta zastor).

 (Tada na pozornicu ispred zastora dolazi „voditelj“ i pročita pjesmu):

„Gostuvaje v Mihalovski fari“

Na krajo vam povedati očem kaj bote i si znali,
kak je bilo na Ivekovim gostuvajo v Mihalovski fari.
So se rodbina zišla kak i obedvoji kumi,
v stori Vančekovoj hiži, na brego pre šumi.

Vujna Treza pak je kuhala i kolače pekla.
Najbolša je kuharica, kak je i soma rekla.
Joj pak so sosede Ana i Bara na pomoč bile,
se joj pomagale, a i jesti so na stol nosile.

Se tri kaj so v kuhji delale, so si malo spile,
dok je trelo juho nositi, več so i pijane bile.
Bara je prva juho nesla, vrota naglo otprla,
pak je z vratimi kuma Štefeka doli podrla.

Bara malo pijana, se niti ne prav znašla,
več se je gori na kumu Štefeku našla.
I tak so obedva zdelom juhe skupa pali,
kum Štefek zajafkali, komaj so na noge stali.

Dok je Bara s kumom  Štefekom na podo bila,
pajdoč si je na silo i malo vroče juhe spila.

Kuma Štefeka je noga jako fest bolela
i ron je onda ž njim teca Dora plesati štela.
A kum Štefek ne mogel več na nogaj biti,
pak je moral skupa s kumom dimo oditi.

Drugi pak so se svati ne baš jako žurili,
dok so dobro jeli i fino domače vino pili.
Mužikoši so celo noč joko lepo zigrovali,
tak dugo dok so jim svati išče peneze dovali.

Proti jutri so mužikoši več pomali fpešovali,
a niti pak so svati ne več tak peneze dovali.
Na krajo so se i svati i mužikoši rezišli,
pak so onak zmočeni si dimo spot odišli…

KRAJ…