To je prav prava lubaf i to z beciklinom

Denes je k nam došla nevesta na trač partijo. Svekrva veli da je ona ne što gojt neg jana fina gospođa jer je patekorka vo Rehovici. Inače, veli i da je to njoj samo odskočna deska do bolje prilike kak Karmelica i zasljužuje. Mej se vidi da ona već trdesti let skoče poti deski jer se išče ne genola z Rehovice.
– žene droge (počne Karmela štero inače zovemo karamela ali kaj joj nate povedali), morti vam je mamika (svekrva)već povedala da sam si našla novoga dečka.
– am naj (začudi se mojčika)! A kaj je z Pištijom?
– joj, prosim vas lepo! Neje Pišta nego Stefan. A gospona je zamenil novi model jer jo to zasljužujem. Vište, moži so vam kaj beciklini. Da zide novi, tre storoga hititi vu željezo. Je ne tak? Am sam poglečte ove svoje pak rečite ali je ne tak?
Pogledamo mi, naši dvo sedijo pre televizoro i gledijo Nedeljom vu 2. Japica hrče skup s kujsekom a srčeko pomali cvirke prebira. Od prvog do zodnjeg dneva mi je se pred joči skočilo
– znoš Karmela, jo svojega storoga beciklina nej menjala za nikvi novi model. Je istina, morti mo već malo lageri preskočejo, morti mo pedala nekaj cuka, svetla so fcrkla zdovnja, pravzaprav i to jana brzina je već na pol baterije ali moj beciklin ima najboljše srčeko i sam kaj jo megnem on već zno kam tre peljati. A znoš zakaj? Zoto kaj jo to zasljužujem!
I onda se zdignem, didem do srčeka i cmoknek ga posred čelenke a on mej (moj lepi beciklin) janoga cvirka steška odposti. Kak ga onda nej mela rada!
Mojčika gledi i veli
– pak ve…of moj model već zdovnja ne za vožnju ali išče sljuži kak ukras na gruntu. Ak ništ, bomo tegline z visibabaj na njega obesili.
Sam kaj vam išče povem
“Kak i kotoči od beciklina
živlenje tak se vrti
počneš z čist malima
i največpot tak se i završi.”
Pazite si na svoje becikline i nej vam dogo i dalko tirajo. Jer vi to zasljužujete!

Suzana Martinuš

*********************************INTERMEZZO**********************************

Donirajte Udrugu Mlada pera

Dozvoljeno je dijeljenje i kopiranje sadržaja ovog portala na druge portale, stranice ili blogove, uz obavezno navođenje izvora.

Odgovori

Ova web-stranica koristi Akismet za zaštitu protiv spama. Saznajte kako se obrađuju podaci komentara.