Pucka, nej popka kazati

Sedimo mi tak si v Nedeljo pred televizorom a pucka se sprovljala kaj pe malo vun.

Dobeži ona i onak zvrot mohne a srčeko skoči kaj švopski soldot.
– Zvezdo ti Danico repačo! Si ti bnorela? Pak tje popek goli! Kak vrogo ideš takva vun noto zimo?
– Isosek drogi (zacvilim i jo), pak si boš tak z bubregima za por let rit zbrisala! Najenpot da si nekaj kulturnoga na sebe dela.
Pucka je mrgotala da smo staromodni i da ništ ne razmemo denešnje mlode

– Vu naše vreme (počne japica) takvoga nekaj je ne bilo! Se znal red!
– jeeee (mojčika onak tožno pogleda), je ne bilo ron tak. Istina, smo ne popke kozale ali kuljko pot mje mati rekla “Jula, robec na glovo i debeloga đempera nose. Ali kaj bi! Kak bi onda Vanč z Gornjega kra videl kak sam si kite splela i da imam novo robaču?
– kaj? Kakši Vanč? Kaj je te junec mel koli tebe letati? (Japica se nakostrušil kaj poron)
– pak jo to sam tak velim. Je ne moral biti Vanč je mortik mogel biti i Lovra.
– no, se lepše od lepšega! Ve je i Lovra vu pitanjo! Što zno šteri je se tvoje kite i robače gledal!
– am kaj se ve naduvaš kaj veter z Mađarske! Em je to bilo išče za endehazije, Bog s tobom!
– aha! Tak se bomo ve spominali? Sam da znoš da sam i jo gledal robačo vočonovski Dragi i prečni Faniki.
I tak vam je to trajalo dože neg turska serija a mi smo zeznali kaj kaj toga što je koga naljukoval. A zakaj? Se zaradi janoga gologa popka!
Pucka je onda itak niti ne išla vun i još je rekla da smo mi si metuzalemi osim mojčike.
Sam kaj bote znali, prinas vam je ve sveto nespominalo. A vam lefko noč. Zutra je Valentinovo pak što zno…mortik japica i na dobil kelja za obet.

Suzana Martinuš

*********************************INTERMEZZO**********************************