FOTO: slatkisvijet.com

Kremšnite

V Soboto nas je mojčika se postrojila
– tak, zutra mi dojdejo pajdašice na kartaraj. Jo sam spekla kremšnite i dela sam jih vu špajz. Nedaj Bog da nešterni načne pleha jer se bo te vu peklo kortal. Jasno?
– Što, miiii? Nigdor! Kaj bi mi dirali kremšnite! 😇
Negdi koli dve vure v noči zbudi mene srčeko ves zvun sebe
– picika, moraš mom dojti sim inače sam nadropal kaj žoti.
To “sim” je bilo vu špajz.
 

 
– pak kaj si za petron kristošov stvoril? (Vidim jo, fali jan red vu kremšnitami)
– nikaj! Sam sam se naljuknol i videl da je ne baš onak tip-top pak sam štel zravnati ali…
– ahaaa! (Najenpot zagrmi japica zanami) sam si i mislil! Što bi drugi kak vi dvo haračili po kremšnitami. Ve ak bo po poštenom, bote i mej janoga vrezali.
I dok smo mi tak “ravnali” pleha, došla so i deca. I kaj, lepo smo komod po komod i rešili pleha a onda nas je vrog zel
– jezoš i kristoš! Kaj bomo ve stvorili? Picika, ve nekaj zmisli inače smo pokojni dok se mojčika zdigne.
– nikaj! Nega nam druge nego zginoti z doma.
Dok se mojčika vjutro zdigla, mi smo jen prek drugoga skokali i leteli v avto.
– kam, kam?? Kam vas vrog se nese?
– a znoš, idemo mi vu toplice kaj bote vi puce mira mele.
– pak ne morate. Vi nam nate smetali.
– ne, ne! Sam se vi zabavite.
Čim smo mi popke meknoli, mojčika je zvola svoje “puce”
– žene, zrok je čisti! Sredila sam jih z kremšnitami. Neso niti pojma meli da sam jo još jene spekla. Ovak bi si tu domaj viseli i mi nej mira mele. Kajbote, naivci jani! 🙄
P.s.
Dobro je negda japica rekel da se mojčike i som vrog boji. Istina je. Sam ji to nejte povedati inače bomo pok morali v toplice.

Suzana Martinuš

 

*********************************INTERMEZZO**********************************

Dozvoljeno je dijeljenje i kopiranje sadržaja ovog portala na druge portale, stranice ili blogove, uz obavezno navođenje izvora.

Ova web-stranica koristi Akismet za zaštitu protiv spama. Saznajte kako se obrađuju podaci komentara.