O da ti vroga žotoga

V zodnje vreme se mojčika nekaj moči z tlakom, cukorom, herc joj preskoče…
Japica veli da to hmanjota mora nekam vun vudriti. 😏
No, tak je dečec prek one nekve lajne naručil mojči z Kine nekvo spametno vuro. Naštela on to vuro i poooomaaaali poveda kak žnjom baratati.
– no je, si ga vera i tej (gomba mojča)! Kaj da sam jo nigdor ne mela canjgerina na roki. Kaj misliš da sam jo tak bedasta? Viš, viš ti to! Sam jo zdovnja rekla da kinesko se valja ali kaj bi! Vam sam nekve dojčlandske bedastoče valjajo.
– glej mojčika, tu moramo napisati kuljko si visoka..
– piši meter i žilet (viče japica z fotelje)!
– ti sam čkomi! I ti itak moraš na lojtro stati kaj moreš k sosedo ljukati. Dečec, piši meter i šezdesetjan! I to bez lojtre (i pogleda grdo japico)!
– dobro, leta znomo kuljko imaš. A kuljko imaš kil?
– kakva je ve to bedastoča? Kaj njih brige kuljko imam kil! Ti tam na fotelji čkomi kaj ti nej presela večerja štero naš dobil.
– je, to moramo napisati kaj bo vura znola preračunati kuljko smeš meti tlaka i se drugo.
– sim dej to vekerico! Jo bom soma napisala sam pokoži kam.
(Pokože mali a mojčika vudri broj. Jo znom kuljko ima ali nesmem reči. Znote dobro zakaj)
– kaj je ve ovo? Gledi mojčika vo vuri i čudi se kaj picek glisti.
– kaj?? Si pitamo vglos
– pak to! Piše – PRETILA! Ki jim to jarac dojde?
– to ti znači (započne japica prejdi neg smo dospeli zreagerati), da si tusta ili debela. Kak ti paše.
– kaaaaaj? O da ti vroga žotoga (nej se nišče ne uvredi) i kineskomo sronjo! Ti boš mej, faloček od čoveka govoril da sam debela!
– mojčika, am je to vura a ne čovek…(proba mali objasniti)
– ti se zgasni! Srom te bilo kaj ideš kupuvat nekaj od teh tam z kra sveta! Si ne znal kupiti v Dojčlando ili pak makar vu Mađarski!?
I tak je ona zrušila se domoče i kineske svece. Tjeden dni smo ne vupali praf niti dihati a kajbi kaj se pogledali. Japica je spol vu dnevni sobi. Mali je ne dobil za sladoled a se kaj smo pre hiži meli kinesko smo morali skriti.
I ovo vam pišem po skrivečki jer znote kak je ž njom. Se bojimo kaj nam na mozol na noso zrosel.
Bog z vami, a bormeš i z nami!

Suzana Martinuš

 

*********************************INTERMEZZO**********************************

Dozvoljeno je dijeljenje i kopiranje sadržaja ovog portala na druge portale, stranice ili blogove, uz obavezno navođenje izvora.

Ova web-stranica koristi Akismet za zaštitu protiv spama. Saznajte kako se obrađuju podaci komentara.