Obiteljsko drevo

Dela nešterni den dečec obiteljsko drevo. Nakeljil je slike i gledim jo kaj cpot piše.
– Mojčika : ne znati kuljko je stara jer veli da se to jano damo ne pita.
– Japica: dve leti stareši od dame. Da so se ženili joj je moral kupiti leta. Čudno. Denes mlodenec mlodenki kupuje zlatnino ili avta kaj jo mislim da je bolje neg kupiti leta jer kaj bo ve z njimi? Ve ima zviška let!
Skupaj so meli četeroje dece.

Vujčija Ferija, ono barabo z Dojčlanda šteri se štiri pot ženil. I kam da ve jo se te vujnice znakeljim? Vujčija Mikija šteri ima ono veštico od vujne a živijo vu Hrženici. To za veštico ne velim jo neg japica. A i vujča Miki dok je som prinas. Teca Kata z Zogreba kaj dimo sam hodi po stroške i navek svojo naprovi jer je se njezino najbolje a to mojčiki zdiže tlaka. Je, i mojo mamo. Ona je, veli mojčika bila trefimir jer je došla dok se več nišče ne nodjal. Ona je i inače takva. Ron kaj naprojim nekvoga kvora i mislim si da nišče na znal, evo ti trefimira. Po semo zgledi da sam i jo isto trefimir jer je sestra starejša od mene 10 let.
Neznam bi tato zapisal ili ne jer je on ne naš neg je dotepenec. Nej mo bo. Bom ga del na drevo pak nej i on visi kak i si drugi kaj mo na žal.
Još potlji moram nakeljiti bratiče i sestrične, samo kaj jim prejdi nacrtam mostoče i roge.
Tak. To bi bilo to. Ili morti kaj denem močke i kujseka?? I oni so naši!

Suzana Martinuš

*********************************INTERMEZZO**********************************


*************************************************************
Svaka donirana kuna pomaže izdavanju novog dječjeg zbornika ili slikovnice koje su djeca sama napisala!
[give_form id=”6365″ show_title=”true” show_goal=”false” show_content=”none” display_style=”reveal” continue_button_title=”Donirajte za novu slikovnicu s dječjim radovima”]

Dozvoljeno je dijeljenje i kopiranje sadržaja ovog portala na druge portale, stranice ili blogove, uz obavezno navođenje izvora.

Ova web-stranica koristi Akismet za zaštitu protiv spama. Saznajte kako se obrađuju podaci komentara.