Kortaje

V Nedelju navečer je mojčika zaprdnola kaj se bomo kortali belo. Jo sam spekla kokice, mojčika je narezala nekaj pod četrdesetpet, dečki so si zeli pivo. Trebala je to biti jana lepa familijarna večer. Aaaaaliii!
Prvo smo bile žene protiv moži. Minoto potlji kak so se korte podelile počela je mojčika bombarderati
– kak to vrogo igraš?
– kaj si ne podigrala zvonje!
– zakaj zoveš ak nemaš korte?
– kaj ne zoveš neg moram jo pod mus?
– kaj ti ne vidiš da imam firciga?
I tak do prve fruge. Onda smo se zamenili i srčeko je bil z mojčikom jer on ima najbolje živce
– te dol i tebe! Je to ne Črni Peter!
– igraš kaj da prvi pot korte v rokoj mel!
– čistam si za ništ!
– o isosek, pak ne igraš šaha kaj tri vure gruntaš! Lefko bi čovek i piceka spekel dok se ti premisliš kaj igrati!
Potlji druge fruge sje srčeko spil normabela s žganicom i onda je japica igral z mojčikom.
– si ti slepi? Vidiš ti moje zvonje? Nej se delati gljuhi!
– kam vrogo rivlješ korte dok si ne na redo
– zbog tebe bomo frugo fasovali, igraš kaj prkač!
– kaj je, kaj se čudiš? Ti si mi ionak ne nikva rodbina, tebe slobodno špotam!
– jezoš, jezoš, kaj da z decom posla mela.
Potlji treče fruge ji japica veli
– tak vidiš, se si rastirala. Ve još jedino more kusa s tobom igrati.
Dok je kusica to čula je zacvilila i vušla vu gonjk.
Mojčika je hitila korte, se nas sčestitala i dišla vun.
– kaj sam vam rekel (veli japica), coprnica! A da smo pre kavobojima ona bi sigorno bila Dok Holidej i se bi nas postreljala.
– je bormeš (veli srčeko) nikva Ani neg Jula štiri pištolja!
Tak smo se si počeli smejati a mojčika z sobe viče
– čula sam vas vragovlje jano! Čula! Bote vi vidli išče što je Jula štiri pištolja!
Onda smo si ftihnoli i pobrali se spot.
Denes se nišče z nikim ne spominal. Pak niti kusica.
Da je navečer mojčika otprla kišto de stojido korte si smo se razbežali (i kusa) kaj taljoni za vreme rata.
Tak. Ve je dišla spot pak se moremo i mi stiha pobrati.
Lefko noč!
🤫🤫🤫🤫

Suzana Martinuš


[give_form id=”6365″ show_title=”true” show_goal=”false” show_content=”none” display_style=”reveal” continue_button_title=”Donirajte djecu”]

Donirajte Udrugu Mlada pera
Dozvoljeno je dijeljenje i kopiranje sadržaja ovog portala na druge portale, stranice ili blogove, uz obavezno navođenje izvora.

Ova web-stranica koristi Akismet za zaštitu protiv spama. Saznajte kako se obrađuju podaci komentara.