Foto: A. Jurak/Muralist

NATEPAJE

Čehova bo Jula, z Nemačke dimo došla,
krsne kume vujča, tam, zrihtal joj je posla.
V debelomu autu k hiži zoročnika pela,
kaj bo grodski dečko prvič videl sela.

Stori japa i mama svetešje so se sprajli,
kiselo mleko v štumlek zemleni so nagrajli.
Z goric su mom donesli v demižonki vino,
mama pak je kuhat dela juho – kokošino.

Da su to zazvedile, se z “fejsa” pajdašice,
hitile se mom na posel v bufeto “Kod Mice”.
“Pošteno tre natepsti, praf onak kak se šika,
posprovljali bodo: i mama i japa i Julika.”

Z vanjkuša so steple perje i po guhni šrota,
mrtvočkoga so venca – nakinčili na vrota.
Kusnica od Murija visela je z hruške,
fkrale so se z štrika flake – i ženske i moške.

Na zdenec so nametale puna kola sena,
čez oblok vum je lukala glova od jelena.
Z portom koli guta, prasica je harila,
močka se od stroha med kokošami skrila.

Čovek bi si mislil, da bo Jula pola v cole,
al pajdašice te so, ke na riti so posele.
Se so bledo gledale, kak v pisana vrota junec,
jer polek Jule stol je – dvometerni črnec.

Goran Radiković

Tečajevi jezika, srednje škole i besplatni studiji u inozemstvu – Educational travel worldwide (ETW) agencija je koju trebaš!
Dozvoljeno je dijeljenje i kopiranje sadržaja ovog portala na druge portale, stranice ili blogove, uz obavezno navođenje izvora.

Odgovori

Ova web-stranica koristi Akismet za zaštitu protiv spama. Saznajte kako se obrađuju podaci komentara.

%d blogeri kao ovaj: