Hohari, toti, kradljifci i lebod kaj
🚃✨ U priči Irene Vičević kočija juri međimurskim putevima, kobile same znaju put, putnici dremaju, a iz šume iskaču hohari – mali razbojnici! 😲 Ali Međimurci se ne daju, pa avantura završava uz mlin i oštariju. 🍗🍷
👉 Pročitajte ovu živopisnu zgodu u sklopu projekta ”Nisam danguba, samo stvaram povijest”!
Kre Sitničke ljese zvun Svete Marije, zamusikana deca so čokala kaj otpro pota čez gosto vožinjavo. Dobrovoljni Karoly, još fest pripit, njim je z kobelora hitil još nekaj drobni penez kaj je mel, a deca so se tregmala i hitala po pesko i trovi. Bilji so srečni kaj so nekaj dobilji. Kobilje so vljeklje čez rovne Sitnice i Gornje polje do Vidofca, prešlji so poljek Plačkijeve hiže pok se do cirkve Svetoga Vida. Točno na sredini sela, kak na maljem bregeko, zdigal se cirkveni turenj. Bila je to nejstareša barokna cirkva v Međimorjo, v zopisima pisana dalkoga 1226. ljeta. Pred njom je rosel visoki hrost, skorom do oblaki je glovo, puno ljistja, rival! Dalje so kobilje v ritmu kasalje do zakađene, črne kovačnice. To kovačnica je navek delala, još ot doba Zrinske vlosti. Zišlji so vun sela, pok po prašnomo drumu vudrilje so kobilje f smero mljina na vodi Rakovnici.
Počelo se kmičiti, a zmočeni kočijoš Edi, cuguš Karoly i kusa Ada so dremalji na kočiji. Dogi toplji den i sakojočka pijača njis je hitila v dremež. Pametne kobilje so dimo some znalje pota, nišče je ne moral vojke držati i vikati hojc- cuj. Popajdoč je bilo stiha, vropci so fčuhnulji v grmjo; sivi jostreb je mirno gljedal z najvišeše hrastove vehe. Nit veter se ne čul.
Odjempot, z glaboke šume pre Kotoripskoga meljina na Rakovnici, so vun skočilji hohari. Na glovi so melji svetlo hrđovo culo, z razrezanim krogljim prelcima, maljima kaj so se samo temne joči vidlje. V rokoj malje boltice s kema so mohalji sim- tam. Fest so vikalji: „Dejte sim peneze ilji vas bomo fčehnolji! Ščepce vam bomo otseklji i glovo f kopanec hitilji, nek se kotura kak lob!“
Kobilje so zbešnjeno skočilje v zrok, zdiglje prve noge i skorom prehitilje kočijo! Kočijoš Edi, truden Karoly i kusa Ada so se zmesta rezbudilji; kakvi so pok to škorjonci z šume vun zbežalji?! Nekva malo vekša, suha deca. Bilji so oni pripravni na tote i kradljifce šmrkljifce. Ferenčok je jenoga, z dogim korbočom, po hrpto fčehnol i žegnol tak kaj mo se črljena čurka poznala, a Karoly je drugomo hitil špičastoga noža kega je nosil v svoji torbici i pogodil ga praf v nogo. Zapičil mo se ošter nož v ljitek pok je krodač jofkal, skečal i pobegel poprečki f črno šumo. Tretji tot, nevaljoš, lebodkaj je dol petama vetra jer je Ada sigurno skočila i grizla ga za rit; hlače mo je restrgla, tak kaj mo se kosmoti pišek naljukoval! Fljetno je odbežal vdilje, v gustiš poljek pota, kaj so ga bose noge v rit ljupalje!
Tak so, komaj jempot, stiglji do meljina na jeno kolo na vodi Rakovnici i do kotoripske oštarije. Moži so bilji žejni ot dogoga pota, i ot pohani sloni kokošini bocki ke so pre pljebonošo pojelji. Zavezalji so kobilje za desko poljek oštarije i selji si vuni kre mljina. Malo so njim žifci titralji, den je bil puni sakojočki događaji. Mlinsko kolo se podjednok vrtelo, na glos šlafurilo i v ritmu žlaburilo, a voda je stolno tekla i posla delala.
*********************************INTERMEZZO**********************************
