Čon

Ovo nije vesela priča.
Irena Vičević, koju pamtimo po humoru, ovaj put donosi sjećanje koje steže srce. Ljetna pustolovina dečki i čamac na Dravi — ali rijeka ne zaboravlja nepažnju.
Pročitajte priču “Čon” u sklopu projekta Nisam danguba, samo stvaram povijest.

Jeno ljeto, poslje spravljotve sena, popolne, išlji so dečki do Drove, kopat se. Dečki kak dečki, huncvutarije so njim po glovi išlje. Z Hrdeljijevim dečkima, Gašparičima, Medorovima i Jambrešičima so dogovorilji kaj zemo čona koj je bil z debeljim vožem zavezani za storo vrbo koja se nagnola nad glaboko vodo. Nekak steška so odvozlalji vozla, z dogim veslom se potiralji ot strmoga benta i si skočilji nuter f čon. Nomera njim je bila prejti strašnu Drumsku, glavnu Drovu, dojti do Bukofca i tam gljedati podravske ljepe deklje i mlode snehe kak se pred smrkovanje, golje golcate kak ot matere rođene, mivajo i kopljo. Njis osem dečki narivalo se f dogi čon, komaj so nuter stalji. Prvi dvo so, z bosim nogomi vun, šlafurilji po vodi, tretji i štrti je šlapočkal z goljim rokomi, a peti i šesti so z drvenim veslom veslalji. Sedmi je bil kak kapeton, zapovednik i vikal hojc, cuj, kak der kravi zapovedal kam mora genuti! No, kaj pok, je ne to samo tak, čona prek Drove tirati! Još z takvim žmefkim terhom. Osmi je vitlal z dogom, tenjkom, strganom vrbovom vehom, zdigal jo visoko v zrok, kak zastavo pobednika.
Čon je plaval kam je on štel, zdena fljetna voda vljekla je do kroglji viri koji so se brnačalji kak ringišpil. Dečki so se hehljalji, bedasto zibalji ljevo- desno, naginjalji i jen drugoga narivovalji. Čon se znogla nagnul na stron i brnul, si so popađalji v glaboko Drovo. Fljetna, strašna voda njis je vljekla do bukoskoga meljina, žmefko kolo se vrtelo i prijelo drvenoga čona koj se spotral na jezero komodi!