Novo leto

Japica je od jutra
Na stol del žganičko.
Mojčika v roro
Peče prasičko.
Jo sam naheznola
Vitlere na glovo
Da so sosedi
Došli na kovo.
Srčeko je štel
Iti na Drovo
Al je mojčika rekla
Da nema pamet provo.
Od polneva so počeli
Dohojati ljudi
A japica je več
Kaj feferon hudi.
Jezoš meni,
Ali bo dosti
Moči se mojčika
Dok dohojaho gosti.
A ima sega,
Kak nebi bilo,
Am se bo do jutra
Jelo i pilo.
Koločof i mesa
Žganice i vina
Francosko bo, zgledi,
Donesla strina.
Vujča i vujna,
Tetec i teca
De nam je Jolža
Da joj vidim sveca!
I kujsek je z nami
Kaj nej mislili de je
Hanzi i Štefi so
Još ne prešli meje.
Gužve so, velijo
Tre još štero vuro
Nej mojčika pomali
Peče puro.
Kaj nebi oni,
Gomba strina Maga
A de so pre vrogo
Noci i Draga?
Tre bo iti jesti
Dok išče je vroče
Japica srdito
Z botom toče.
Dejte si mira,
Samo pomali!
Srčeko se briga
Kaj pijače ne sfali.
Droga moja,
Kuma se moči,
Nekak so ti
Suhi ovi koloči.
Hoj lepo vrit
Kaj si jih jela,
Išče si nekaj
I v torbico dela!
Am dejte ljudi,
Kupice gori!
Ki vam je vrog
Nejte bit nori!
Živeli si, kulko vas ima
I nej je SREČNO NOVO LETO SIMA!

Autorica: Suzana Martinuš

*********************************INTERMEZZO**********************************