Mis Fašnjaka
Nova autorica u našem projektu “Nisam danguba, samo stvaram povijest” je Katarina Herman, rođena 1948. u Donjem Pustakovcu, gdje i danas živi. Završila je školovanje u Hodošanu i Mariboru, a radila kao građevinska inženjerka u Betonu Prelog. Piše poeziju, kratke priče, dramske tekstove i dnevnike, a njezina knjiga kratkih priča uskoro izlazi. Članica je Književnog kruga Prelog, sudjeluje na pjesničkim večerima i recitalima te objavljuje radove na portalima. Dugi niz godina bila je animator kulture, osnivala recitatorske i plesne grupe te vodi Plesno-scensku sekciju u UU Prelog. Aktivna je i u sportu, kreativnim radionicama i voćarstvu.
Moje selo je malo, sredi Međimurja. No, otkak se zmislim, bilo je poznoto po tradicijskim „Fašenjskim priredbama“. Jo sam bila mala, ali sam se naveke motala kre mega japice. Oni su bili glavni organizator i pokretoč, skupa s por pajdoši, kie su se stisnuli koli šporheta, f kuhnji pre japici. Prvo su šepetali, a unda se glasneše i glasneše, i za por vur skuponduvali su celu predstavu. Nejprejdi su te predstave bile vuni, na otprtim, a dok su napravili s svojimi rokami i z „radnim akcijama“, dobrovoljnim delom, Društvenoga doma 1954., je, unda su priredbe bile na pozornici, na bini v Domu.
Posred našega sela teče potoček Srotka, šteri se pred mostom (išče Rimskim) reširiv v malo jezerce. To jezero se sako zimo zmrzlo i tu, po ledu smo se si škljizali, veljki i mali. Delali smo sanjoke, kaj, ljefko je to bilo, smo meli bute gojzerice z cveki, vozili smo se z korčulama, poganjali se z botama na štere su bili zabiti čavli i leteli kak strele od janoga kraja jezera do drugoga, od mosta do maloga mosteca pre grmju. Vozili smo se na sonama, spuščali se s sonami po nosipu glavnoga pota na led, z Vukovoga brega. Se je bilo puno, pak ga v seli bilo duplik ljudi kak ve, središče sela je bilo zbirališče z Kota, Sela, Brega, za so decu, omladinu, a bormeš i za stareše.
Selski mudrijoši i huncvuti, ke su se zbirali pre japici, a potlji su je zvoli „Fašenjski odbor“, oni su si tak jano leto, za veljku predstavu zebrali leda na Srotki. Postavili su soce, njim so se prijavili si nejboljši selčani na korčulama i takmičenje je moglo početi. Za drugu točku su najavili: – zbiranje nejboljši plesoči na ledu. Plesali su dečki z plesačicama naprovljenim od krpja, naphonimi z slamom, ali ljuščinjem, toga ga bor bilo dosti. Si su bili ljepo oblečeni, ali z zamaskeranimi obrazi. Jani su si plesačice nesli piše lonce, a jani su je lepo držali koli pojosa, a noge su jim bile svezane za plesoćove noge. Su vam korčule ne bile tak lepe kak ve, s cipelicami. Saki sje som napraj, ali pre kovoču f Čofci. Korčule su za drvene bakanđe bile svezane s špogom, a napinjale su se s čavljom, ka je to bilo čvrsto i sigurno v vožnji.
Soci su morali dobro gledati takmičor, ke so se škljizali na korčulama i kak strele leteli z janoga kra jezera do drugoga i nazoj. Celo selo je bilo na nogoj, a i z drugi okolešnji sel, z Svetoga Đurđa, s Poljnovec, s Hodošan, s Čovec, z jadne i druge strone leda, si su glasno navijali, saki za svojega favorita… Kaj, moj japica su došli prvi i sodec jim je obesiv zlotno medalju.
Unda su plesali pori na ledu. Mužikoši selski, tamburoši Rinači su jim igrali. Tu je prvo mesto osvojiv Melko Zeleničov s svojom Drndom, štero je pred por let, na fašnjak dopeljav z raketom z Meseca. Drnda je mela tri noge, pak su unda doktor Jončecov Anto-Montanto opererali. To ste morali videti! Nebrem zobiti, a bormeš niti si drugi, kie su gledali predstavu, makar nas ga več ne čudaj živi…
Nega bilo televizije, kameri mobitela, samo je kum lugar Hrastič mev fotoaparata i zaslikav por pot, tak da je nekof dokument je… Nega bilo niti avti, traktori, tu i tam šteri beciklin i dvo, tri prkači, beciklini z motorekom na tregeru, ribiči moj japica, kum Gusti Lovrinov i Šnajder.
Jadnoga fašnjaka, koli jezerodevetstošezdesetoga leta, se tak zmislim, bilo je joko zima, sneg, zmržjeno. Oni fakini z Fašenjskoga odbora su otprajili kuma Čanodija, ke se slekev do pol tela, na kola z zaprežjenimi konji i išče por mlodi, ka bodo se vozili po seli i po drugim selima z bobnjimi i oglašovali, pozovali je na Pustakosku Fašenjsku priredbu. Kaj pak, čem se radoznala publika zebrola, idu po seli krave, zaprežene i na ornicaj vlečeju pljuga. Oroč je biv Čanodi, a orav je pre piljeku, kre ledenoga zmržjenoga jezera. Sneg do koljena, ali tre je bilo prekozati oroča, kak mu žena na beciklinu pelja obeda. Malo sje spila, pak se prehitila v grabu. Juha se rezlijola, gibanica se reskoturala po prohu. Žena je fletno pobrola gibanicu i tak je možu donesla obeda na polje…
Drugo leto su ribiči, moj japica, Gusti Lovrinov i Melko Zeleničov, lovili ribe na Muru, pre Letinskomu mostu. Naša srotka i most na sred sela su bili idealni za prekozati, kak ribiči hičeju Mađerkam karamele prek Mure, prek državne granice, kak se spominaju prek i dogovorjaju… Negda je Mura bila granica z Mađarskom, joko čuvana, z vojskom, strožami sake frtolj vure, z naše strone, a išče večpot z mađarske strone pod Rusijom. Naša vojska je tu v karauli pre mostu bila den i noč, naveke budna…
Dok su se te huncvuti i mudrijoši malo postorali i nesu mogli več voditi predstave, poprijali su mlajši, tak ka su negda od jadne hiže bile tri generacije na pozornici, a nega hiže f seli, štera nej mela glumca ali pevoča.
Tak se unda, potlji por ljet stanke 1994. nazoj aktiverav Fašenjski odbor z huncvutom Pavlijom Lovrinovim, Dragicom Strahijovom i Hoborovom, Tomijom, Đurekom, mlodima. Decom, vnukima, prevnukima od oni ke su započeli tradiciju priredbi
No, to so več bile malo modernizerane priredbe, slikari, snimatelji, mužikoši – živa glozba: od tamburoši, Puhačkoga orkestra, klavijaturi, mimohodi, rekviziti sake fele. Nove teme, se kaj se črez leto v seli pripetilo, a neje bilo ron kak tre, novi glumci, nove audicije, novi kvizi, ali na saki priredbi „VROBEC“ je biv obavezen, i naveke je spretešetav se glavne dogodofšcine. Negda je bilo ljepo prečitano, a čudaj pot ljepo spopevano. Kak i unda, da so naši dečki delali v Rusiji i dimo si dopeljali zoročnice: „Idu, idu, več su blizu, mlodenka več ima vizu…“, ali kak ono, dok se asfalt pod nogomi zibav od zmrznice: „Mirkecu i Vladeku se zdiže, trdi asfalt koli hiže..“. Doktori su meli na saki priredbi čudaj posla, ali su zaustavljala zuge, ali vetre ali su vlekli vodu s koljena, makar je pacijent trdiv „ da pije samo čisto…“ Meli su i v seli predovanje o kontracepciji: s pocinčanom kontom, ali z soponom, ali s črljenimi žneranci – dr. Elzak, dr. Srečko, a provi je biv i dr. Popivoda, ke je mev predovanje o štetnosti alkohola (ali je ispalo da škodi samo za gliste). Dober je biv i slikar naivec z Berdom, a štolni majster.
Nejljepše su itak bile „ljepotice“, ke su se natjecale za „MIS FAŠNJAKA“. Na našim Fašenjskim priredbama vam je tak bil: ne bilo važno kaj si, ali si moško, ali žensko, nego što bi nejbolje štero ulogu odglumiv, kaj mu se nejbolje smejali. Tak su se žene preobločile i glumile moške, moži v ženske, a za pozornicom je bila stiska i naveke sila, ka pe mom točka za točkom, a medtemtoga se bilo tre prebleči če je dober glumec mev več ulogi… Čudaj ga posla bilo i za šminkerice, rekvizitere, kostimografe, a bormeš je i tehnika došla napre, pak je bila tre i elektronika. No, saki je znav kaj mora delati. Tak je bilo i na izboru za misice. Moški su se preoblekli v kostime, ljepe haljine, štikljice, a noge su jim bile šebrgljave i škljecale su jim pod visokim petama. Saka je ljepotica, kak je red, morala i odgovorjati na pitanja žirija. Člani žirija su se zebrali z publike, učiteljice s Hodošan, ali muzičare. Micika, ljepotica, je zapopevala, njo je glumiv Štefek, 75- letni deda, Visibaba je biv Adek (50 letna legenda), a nejmlajša, najljepša, f črljeni minici je bila Lili, šteru je glumiv Čarli. Žiri je tak zebrav nejatraktivnejšu, z nejbolje smešnimi odgovori, Miciku. Mom su ji deli lentu, s šterom se Štefek išče na leta potlji štimav.
Tradicija se nastovljala, a Fašenjski odbor je za sako priredbu zaduživ nekoga, ka bo vodiv priredbu, ali su to bili mlodi, ali žene, ali stareši huncvuti, vropci, ali kvizoši, tak dogo, dok smo Fašenjsku priredbu ne v sprevodu otprajili na lomaču i skurili. Odigrali smo ji i spopevali Vropca, a pepela restepli z mosta v Srotku… No, drugo leto je nazoj oživela, kak feniks, i tak z leta v leto… Po naši selski tradiciji, za Pustakovsku Fašenjsku priredbu, preprovljamo se celo ljeto, zbiramo materjole, ali praf zapraf, samo por dni prej, ju i naprovimo…
*********************************INTERMEZZO**********************************
