Okinčeni dud
U sklopu našeg projekta Nisam danguba, samo stvaram povijest, donosimo vam novu humoresku Irene Vičević koja će vas nasmijati do suza. Kad priroda, turisti i murva udruže snage – rezultat je prizor kakav se ne viđa svaki dan. Irena nas vodi u Istru, među susjede i njihovu visoku katnicu, a priča se vrti oko jednog duda koji je odjednom postao – najneobičniji ormar na otvorenom. Kako je grana umjesto ftiča ugostila kupaće gaće, haljinu i ceckobran, saznat ćete u nastavku…
Naši sosedi v Istri iznajmljuju štiri apartmane. Hiža mom prek naše, visoka i doga katnica. Nopri pred hižom je zeljeni dud, murva se tam velji. Ljepo, zeljeno i široko drevo s puno škrakasti grani. Nuter se pisani ftiči rivajo i sako jutro na glos fest popevajo. Dok se zron zdignem, kolji pol sedem, otkljenem ganjčena vrota i pogljednem širokoga dudeka s puno gostoga ljistja. Praf je takof, kak negda pri nas v Međimorjo na gmojni kre Prelčevi, de smo dudeke/črne i belje maljine, slatko jelji si ž njimi si majice zmazalji. Čobe so nam bilje ljiljasto črne, a roke tak zamusikane kaj se ne moglo por dni oprati!
Ovo jutro, dudekove grane so bilje okinčene. Gori so viselji, kak za maškare, cifrani veljki brisoči s kojima se ljudi na moru brišu, plovi malji brisoči so bilji nateknjeni na vehe, krotke gače za kopanje z špogicom so bilje zavezane za vrh dreva kak svatovska visoka zastava, ženski ceckobran z bade kostima nihal se ljevo- desno kak der zvol na špot, a kupače ženske gače so bilje čistam na drugi stroni dreva. Bela doga tenjka ženska ljetna haljina ceprljentala je kak duh, a plovi prozirni pareo se zapljel za tenjko veho i besil malje ftiče. Kaj se dogodilo, smo se si sosedi zapitalji?! So mortik ovi prek nas ponorelji? Kakve to pelde zdelovajo te stareši, ozbiljni ljudi? Soseda je zišla vun z hiže, pok je povedala da so melji goste Engljeze, koji so došlji z eroplonom- avijonom do Pule i dalje do njis z rent-a- carom. Kak low cost, falješe avijonske kompanije dozvoljovajo za malje peneze, malo prtljage, tak Englezima oprava i brisoči neso stalji f kufer! Terh je bil prežmefki! Pok so gosti, namerno, peldo naprajlji. V jutro rano so okinčilji murvu, dok so gazdi spolji, i otpeljalji se na avijon!
Si sosedi smo pomoglji z dreva zeti dolji opravo i brisoče. Tak, ak je nekomo tre, slobono se javi. Ceckobran je broj 80 B, a gače L.
*********************************INTERMEZZO**********************************
