Losi

Bljizu je mojemu možu rođendan. I, kak sako ljeto, tak i ve se pitam, kaj mu kupiti? Nekaj kaj ga bode rezveseljilo, ono kaj nema, a želji si!? Kaj si želji? Pok, to znom, kaj bo nazoj mel losi!

I tak, sprojim se jo v apoteku, vidla sam dok sam nekva vročtva kupuvala, da imajo nekvo flašico kojo reklamerajo, baš za to. Kupim flašičko, kcoj tomo so išlje nekve botice z vatom na vrho, sljične onima s kojima se vuha čiste. Bormeš je to fest koštalo, prek sto ojriča, alji nek bo. Jempot na ljeto je možo rođendan. Još dobi flašo vina, koje bomo skup spilji, pok bomo obedvo veselji.

Te botice je trebalo za sako večer po dvajsti komodi, jer to smrdečo ljekarijo, to vodo forbe kak scaljina, tre dvajsti dni tapkati na mesta de nega losi na glovi. Tak sam sako večer naljevala to vročtvo v nekvo porculonjsko šaljico, jer je tak pisalo v uputama. Unda smočila botico z vaticom vu to i tapnula na čeljenko. Unda drugu, na drugo mesto. Pomalji, z voljom, z ljubavlju bi reklji. Ne fest, ne noglo kaj na zdenilo, kaj nej glovo precusravela, pok možđani zidu vun! Glodim jo to slabo kosmoto glovo, a bolje der sam nekaj drugo glodila za to vreme, več bi hasnelo.

Na uputama je pisalo da bo zroslo za dvajsti dni tapkanja, puta dvajsti botici= 400 vlasi, iljitiga losi. Ha, ve vi prebrojte, alj je kaj zroslo! Zapraf smo se fkanilji, jer smo zobilji prebrojati losi na glovi na početko terapije. E, tak smo ne moglji reklamerati vročtvo proizvođočo, i dokozati alj je zapraf kaj zroslo, ilji je ne nikaj losi bilo več nek pre!

Novuk i vjeroučenje: rajši gladite na drugem mesti, i mažite ak je suho!

Autorica: Irena Vičević

*********************************INTERMEZZO**********************************