Pak kakvi so to ljudi šteri hodajo bez glove koli?
Jem jo vjutro klecimprota z belom kovom pak se zmislim na teco Jolžo.
Sam jo ne već dogo čula pak ajda, kaj si na žena mislila da smo jo pozobili, nazovem ti jo njo
– bok teca, kak si kaj
(Teca nekak postiha odgovorja)
– je, sam ti ve već malo bolje. Znoš, sam ti tu vu Zogrebo pre naši Veri. Je pelerala koka pak so rekli kaj na soma zote svetke.
– lepo, lepo (velim jo)
– vrit lepo! Tje tu se nekak ne po redo vutem veljkom grodo. Na viš, veli ti mej nešterni den Vera da nej bom pre vroti jer bo došel nekvi čovek z glovo kaj jesti donese. Pak ju jo gledim i pitam – pak kaj so privas je i takvi? Mislim, kaj nemajo si glovo?
A Vera ti mej veli – pak jo neznam kak je privas ali nešterni nemaju. A Zogreb je ipak veljki grod. Tu ti ima čudej sega.
O da ti sveca vidim! Pak kakvi so to ljudi šteri hodajo bez glove koli? Je, sam jo vidla da tu ima seh feli ljudi črni, beli, žoti, moži v kiklji, brumbe v čobaj, neznaš je žensko ili ne, ali kaj bez glove hodali..bok oslobodi. So sreča, te kaj je došel je bil normalen išče mo je i na hroto pisalo da ima Glovo kaj ti znači da se ne moraš sekerati jer je te normalen.
Mej je skorom klecimprot zletel z gopca
– teca, pak so to sam dostavljoči. Imaš toga i prinas. I ne sam Glovo nego i Wolt..em ti to nema veze z glovom…
– kaaaj! Briga mene za toga vašega Boltija! Am so to ne istine! Celi svet je bnorel. Mi se vidi da nišče več ne nuca glovo. Se to ide vrogo vrit!
No, ima teca v jano roko praf. Se je dišlo vrit a bolje kaj nam kaj v glovo došlo.
Ali, nejte se sekerati. Lepe svetke vam želimo z glovom de joj je mesto. Kaj na potlji da vam nesam povedala.
Srečno vam Novo leto!
*********************************INTERMEZZO**********************************
