Križec

U sklopu projekta „Nisam danguba, samo stvaram povijest – zlatne godine koje govore“, kroz redovni program „Život se ne arhivira – on se piše“, donosimo vam novu humoresku autorice Suzane Martinuš – vedru, živu i urnebesno prepoznatljivu priču iz svakodnevice.
Ova humoreska ispričana na kajkavskom izričaju, puna je šarma, duhovitih zapleta i topline domaćeg govora, podsjećajući nas da se povijest ne piše samo u knjigama – nego i u kuhinji, na vulici i u svakoj našoj “bedastoči” koja kasnije postane najdraža uspomena.

Pred nešterni den smo čakali križeca vo vulici. Jo neznam kak je privas ali prinas je navek kaj pocoprano. Navek se nekva bedastoča spukne.

Zoto smo ovo leto den prejdi meli partijski zestanek kaj se se lepo dogovorimo kaj nej što kaj pok zasral (to “zasral” sam ne jo rekla neg mojčika).
– tak (počela je mojčika), što se dobrovoljno jovlja kaj bo čakal velečasnoga na poto?
– jo bi… (počne japica)
– ti čkomi! Loni si ga čakal z sosedom Ferijem i bedvo ste završili vo palnici pre Jožijo. Dimo si došel navečer trdi kaj letva!
– sam kaj povem za zopisnik da je bilo se jeno ali se bom ftrdel od zime ili od žganice. Pak onda je ne bolje kaj sam dišel vu palnico neg kaj na poto stol kaj drvena marija i išče kaj navlekel nose?
– ti sam boj tiho! Ovo leto nej pucka dobrovoljno čoka na poti.
– mooojčika! (Zacvili pucka) zakaj baš jo? Kaj nebre japa?

Noto se srčeko zleca i zgrobi za herc
– niti čuti! Tak je zapisano i tak bo! (Neda se mojčika a srčeko odehne)
– a ti ( to je ve išlo srčeka), ti peš zaron vo dom po Jolžo kaj na pok terentekala da je ovo leto ne posvečena a pravzaprav se k sema rivlje sam kaj si kobose i žganico sobom dnese. (Srčeko se pok grobal za herc)
– ti (to je ve nome išlo) kaj se zgloncaš i preprojiš kaj na pok kaj nej probal naše koloče a pre Magi je pol protvana pojel.
– a ti dečec, čim dojdo, pesa i močka pošikni vu kuhnjo i dobro zapri vrota kaj se na pok šteri nalizoval ron dok je posvečanje! Ste se razmeli? Jeste?

Tak smo se mi lepo si potpisali i svečano obečali da bo se kak ima biti.
I je bilo? Bilo je brus? Normalno kaj smo se zasrali. (Ovo sam ve jo rekla a ne mojčika)

Znači, pucka je dišla na pot čakat, kak je bilo po zapovedi ali joj je kujsek vušel z grunta pak je bežala za njim tijam vo tretjo vulico.
Teca Jolža je zamodila jer je morala iti na frizuro i doletela je da smo več rekli Amen, taman na vreme kaj si z velečasnim vdropi jenoga krotkoga i kaj ga pita ali je ve i ona posvečena. Japica je ron prejdi neg so se za kvako prijeli moral bežat na zahod i još je zaviknol velečasnomo
– fkrej s pota! Sam vi hojte nuter! Mene so zdiganci potirali pak ve…(dalje ga več nesmo čuli. Som bog)
Kajpak da sam jo se preprojila i zgloncala hižo. A zakaj? Za ništ? Se so zmočili i zmazali, moček je zrušil zdigance, dečec je sebe zapral vo kuhnjo a kujseka je pucka itak mom vjutro zgubila. Velečasni je ne probal zdigance jer je rekel da je pre Magi pojel pol pleha londoneri. Neje štel bogec niti žganico ali se teca Jolža ponudila kaj i v njegovo ime janoga mohne. Srčeko je pol dneva zuval vrota s kuhnje kaj pusti vun dečeca jer je mulec nekam posmotal ključa. Japico smo vidli tek za večerjo jer je ne vupal vun z šekreta. (Znote zakaj! ) Mi smo išli k sosedo na zahod ak več pitate.

Mojčiko smo morali smakati zdenom vodom da so križeci dišli. Ve čokamo novi partijski zestanek kaj nam spodeli kazne.
Kaj sam vam rekla, mi navek se… no, pak znote kaj…, kaj nam pok morala reči zaseremo.
Bok z vami a bormeš i z nami!

Autorica: Suzana Martinuš

*********************************INTERMEZZO**********************************