Žganica

Pripovest o naši pokojni mojči, Bog njim dušu zveličaj! Kaj me nej došlji v noči dropat, jo sam strohopezdec, hmerjem ot smrtnoga stroha.

Moj vredni tati Slovi je sako jesen pekel žganicu. Nekaj plovi sljivi kolanjki smo melji na širokomu gruntu, sosedi Zeljeničevi so nam dolji kaj si stepemo žotoga trnosljeka, kroglu trno- sljivku, i stori teca Treza su kre kopanca, kanola Čenčeca melji por stebli sljivi kolanjki. Se se to skutilo v drveni lagev i peklo vu veljkomu kotlu.
Melji smo posprovljeno tujko žganice f plječenim baconima na nojži, kaj je tati po selji prodoval. Sako malo bi nešče docepinzdril k nam, prvo bi čovek koštal žganicu z malje kufice i unda kupil ljitru- dve za snogo, jokost i zdrovje. Mojča Franca so bilji glavna hižna kuharica, sako malo so išlji po drveni lojtri na nojže. Tam smo čuvalji koje- kaj. Suho meso obešeno na debelji boti: žmefki svinjski koki posušeni za Vuzem, doga rebra kak vojnički redenik, kosmote nogice za finoga graha kuhati, tenjkoga prasicinoga repa, suhoga svinjskoga jezika i po štonjgi nafrkane podimljene klobose.
Poljek toga do maloga obloka bila so svezana cula z suhom kamiljicom, dišečim bezgom, drobnim ljistima i cvetima ljipe, svetlo zeljenim stoljisnikom, črljenim divljim šipkom i igljičastom voščenkom, ot čega so naši mojča kuhalji finoga čaja. Tu so držalji, isto f platnenim culjima, suhe narezane šnjite hruški i kiselji jaboki, plove sljive i tikvine koščice.
Se blogo za zimu, čuvalji smo i posprajlji na nojže.

Saki pot dok bi mojča po nekaj išlji, cugnulji bi si žganicu za krepost i dobro voljo. Za snogo i moč, direkt z tri ljitrenoga bacona! Dok njis nej nišče videl, v bacon su doljejalji zdenčano vodo, praf tujko kujko je v pljetenki faljilo. Kaj njis nej nešče potvoril, da piju! Da so hurmasta pijonjka. Jen den soset Đorek je došel kupiti rakiju. Tati mo je natočil z jenoga oplječenoga bacona, kaj bodo koštalji. Nazdravilji so si, s dečnim kuficama so si čerljinknulji, probalji alj je žganica dobra, poljiznulji čobe i nadušok spilji. Soset je dnesel pet ljitri dimo, kaj ponudi radnike poslje kopotve koruze. Vrnul se za por dni k nam i rekel tatijo: „Soset, si ne dobro žganico zežgal. Neje dost joka, nema dost gradi (tak se meri jokost alkohola, z alkoholometrom). Tati je dišel na nojže merit. Več baconi puni žganice se vu vodo preobrnulo! Mojča so močalji i modro se držalji. Nek bo tati kriv, da je ne dobro tropa zežgal.

Autorica: Irena Vičević

*********************************INTERMEZZO**********************************