Prova božja istina
Zbudim se jo rano vjutro…no kaj je? Kaj se ve smejete? Znom da pol deset neje ron rano vjutro ali kaj jo nesmem jampot malo dože spati?
Bok z vami
No, sam štela reči da se stonem jo vjutro a nigdi nikoga! Niti žive duše! Dobro, moček Miki je ležal na škatulji za veš ali to je isto kaj daj nikoga nega.
Nekak mje črez glovo prešlo da so nekaj vikali vjutro pred sobnim vrotima. Mi se čini da je srčeko rekel da ide po kruha a to znači da ga na celi den jer se po kruha ide v krčmo. Mojčika i japica so rekli da pedo k doktoro po leke pak potlji k nevesti na kovo. Naga niti njih! Deca so se otepla k sosedima glet nekve vrožje jutube. Bormeš, niti kujseka nega! Što zno kam se pak te otepel!?
Mej mom lompica presvetli. Evo ga! Pok mislite da sam se štiri v zrok zdigla i celo vreme gledala serije. Kaj bi!
Jo sam, kak saka poštena međimorka, mom zgrobila osisavoča, krpe, metle i počela čistiti. Je, jedino dok ga nikoga nega moč na miro se naprajiti. Samo kaj sam oprola poda, hitila se vo foteljo kaj se počinem dok se pod suši, otprejo se ganjčana vrota!
Srčeko steplje noge i kone
– ki vrog je tak mokro! Kaj je kujsi vroga naprajil? Je vu “pekari” inspekcija pak so nas vun hitili!
Jo oprem lampu kaj ga sčestitam a za njim se rivljejo mojčika i japica.
– dej se mekni! Kaj si tak se stockal? De si vrogo našel tuljko blata? Smo morali dimo jer je nevesta dišla v toplice z penziči.
Jo pok oprem lampu ali, evo ti dimnjačara
– bog dej ljudi! Sam došel malo preroštati rofonge! No viš, tak je smetno kaj na problem kaj sam malo začrnil!
– a kaj bi! (Veli mojčika) Sam hote! Ti pak si (to je mej išlo) mogla ron nekaj i delati. Bor kaj bila poda oprola dok nas ga nega.
Ron pok otprem lampu da doletijo deca skup z sosedovim panjkrtima i kujsekom.
– smo došli dimo jer soseda pere poda pak kaj namo tockali.
Jezoš i Kristoš i majka Marija!
Tu mi je kmica na joči pola i bormeš se ne zmislim kaj je se bilo ali evo, si čistijo, perejo i gloncajo i tiho so kaj miši. Dimjačar me postiha pital ali ve sme dimo jer ga žena čoka z obedom.
Sam kaj vam išče povem, ak očete kaj vam što de k hiži, sam počnite poda prati. Prova božja istina!
Autorica: Suzana Martinuš
*********************************INTERMEZZO**********************************
