Pozoviči

U sklopu projekta “Nisam danguba, samo stvaram povijest” stiže nam nova humoreska Suzane Martinuš. I ovoga puta autorica kroz živopisni kajkavski dijalekt donosi veselu, duhovitu i pomalo špičkastu priču o obiteljskoj „primadoni“, njezinim svatovima i svakojakim zgodama koje se, kak’ to već biva, na kraju najbolje prepričavaju za stolom uz domaću hranu.

Se zmislite one moje sestrične zagrebečanke štero smo zvoli primadona a dok je bila mala je rada jela pimpeke? No, nej vam bo, njoke! Vište da se zmislite.
Ona je več ne tak mala ali zgledi da išče i dalje ima rada…no, te njoke kaj nej kaj drugo mislili.
Je zvola njezina mojka, naša teca, pak je rekla da bodo došli vu pozoviče jer se primadona ženi. Štrti pot!
Prvi pot da se ženila so rekli da buduči mlodenec dela z miništrima vu saboro i da je njiva pucka spametno zbrola ali so tek potlji svati zeznali da pravzaprav konobori vu birtiji prek pota.
Onda se smrod (tak je rekla teca) potepel z kuharicom z saborske kuhnje pak mo je primadona dola vritnjaka. Dvo tjedni potlji ga je kuharičin mož natambural pak se podfrknjenoga repa vrnol dimo. Onda so se ženili drugi pot. I pok so nas zvoli nagosti. Tretji pot so se kakti ženili jer so meli srebernoga pira pak so nas pok zvoli i pitali ali bi mortik mogli donesti odojka i por čučeki pak makar i nekaj za vjuho deti. I kaj boš, smo donesli. Em je naša.
Pred mesec dni ga je primadona prijela de si piše z nekvim vročim pucama na kompjutoro pak mo je naravnala memorijo vo glovi i tak, ve se štrti pot ženijo kaj kak velijo “potvrdijo svojo veljko ljubav”.
Je, ali je to ne se. Sam vam zaprav štela reči da je teca zvola i rekla mojči kaj na slučajno kaj mesnotoga sprovljala jer su oni od nezdovnja vegetarijonci.
– pak ve (je rekla mojčika), imamo nekvo šaloto, zelje i korenje pak se bo kaj našlo…
Ali, ono so i vegoni! A to znači (veli teca), da nesmejo niti jejce niti mleko a niti pak kaj deli na tenjer de je prejdi naprimer čučina baca bila.
Jezoš da ste vi čuli mojčiku!
Se jim je svece vegonske zrušila zneba.
Pol dneva smo posljušali kak ji je rekla kaj jim sprovi nekvi to fuj, ščije semenje, alge, konoplje, kvimojo i kaj ti ga ona zno kaj.
Tak, da so zagrebečani došli, mojčika je nastol hitila vrečo kalampera i rekla
– to vam je se domoče, organsko, nešpricano a od čuče ili pajceka je vidlo jedino gnoja šterim smo gnojili. Dober vam tek.
Inače, zgledi da nemo na svate ili to vrožjo potvrdo. Išče bolje. Mojčika nam je spekla pol odojka a jo sam složila šaloto. Bez algi i to fuja.
Dober nam tek!

Suzana Martinuš

*********************************INTERMEZZO**********************************