Na dobro, ljudi, na dobro!

🔹 NOVA HUMORESKA u sklopu projekta “Nisam danguba, samo stvaram povijest”
Kad sosedi, male penzije i plafoni udruže snage – nastane komedija koju ni kuhinjska krpa ne može obuzdati! 😂
Suzana Martinuš vodi nas u dnevnu sobu punu smijeha, štrikanih živaca i pokoje žganice, gdje se misterij “kaj mojča gledi vo plafon?” rješava u stilu – uz žganicu pa žganicu i par litri vina.
Prava međimurska tragedija s elementima farsičnog plafoniranja.
Pročitajte i zapamtite: to ne je Sveto pismo, to je život!

Sedimo tak pre kovi japica, soseda i jo i srdimo se na male ploče i penzije da najenpot dojde srčeko bledi kaj stora sprona kuhinjska krpa.

– ki vrog (pita ga japica) em zglediš kaj da so te s pekla vun hitili
– išče hujše! Na dobro, ljudi, na dobro!
Idem jo črez dnevno sobo a mojča tam sedi i gledi vo plafon!
– za pet ron kristošov!
Si smo se prekrižili, prebledeli i najenpot smo morali vdropiti po nultri žganice. Dobro, dvopot po nultri!
– jezoš meni i nam sema skupaj (jofče japica). Dve leti je bil mir i gleč ve! Pak kaj bomo stvorili?

A to pred dve leti je bilo ovak:
Sedi mojčika na fotelji i gledi vo plafon. Sedimo i mi si i gledimo kam i ona ali nikaj ne vidimo.
– kak ne vidite, tutleki jeni! Tre molare zvati! Se posod so pocki od komorcof i šlapi. Pravzapraf, so molari preskopi pak boš to ti oddelal (to “ti” je srčeko) em je to ne Sveto pismo!
Normalno, prvo vuro so se sposvadili. Mojča je kokodokala kaj naša čuča Verica a srčeko cvilil kaj naš kujsek. Se nas je namlotila z kuhinjskom krpom dok na krojo srčeko i japica neso pobegli vo krčmo. Onda je pozvola vujno Maro kaj pošlje svojega vnuka Đureka šteri se školal za slastičora jer tje to isti vrog boš ličil torto ili plafona. Tak je ona rekla ne jo! Nedaj bok! Od onda se ne spominamo niti z vujnom niti z Đurekom.
Bilo je tre dve pletenke vina i žganice kaj je srčeko komaj janpot pomolal se zide i plafone. Vino so spili srčeko i japica a žganico smo natakali mojčiki vo kovo kaj čim prejdi zaspi.
– no, ste vidli!? Tak ste mrgotali a te čos je posel gotov bil! Sam kaj sam na dve minote joči zaprala i viš…se ste zgotovili! Sam lepo rekla, je ne to Sveto pismo!

Je, to je bilo pred dve leti a ve pok sedi vo fotelji i gledi vo plafon.
Na dobro ljudi, na dobro!

*********************************INTERMEZZO**********************************