Kak bumo preživeli drugu nedelu bez izbora?

Je, je… gotovi su izbori.
V Međimurju.
Nega drugoga kruga. Ni plakatof, ni letki, ni onih sumnjivih osmehov na jumbo plakatima. Ni šatora, ni pečenih kobasi. Ni graha!
I ve se spitavlete: „Kaj bumo delali tu nedelu, ljudi moji dragi?“

V Prelogu – tišina. V Čakovcu – se mirno kak v apoteki. Po selima – ni pesa kaj bi se posvadil koli politike.
A v ostatku Hrvatske – rat i opća mobilizacija!
Split ide v finale. Zagreb još ne zna gdo ga vodi. Rijeka zna ko ju ne bu vodil. Varaždinci na aparatima koli župana.
A mi? Mi moremo sam gledati v praznu glasačku kutiju i pustiti suzu. Demokracija nas je pozabila.

Ljudi su ogorčeni. Jena baba z Ivanovca veli da se oseća kak da ju je muž drugi put ostavil – prvi put dok je prešel v Savez komunista, a drugi put sad kad nema drugoga kruga.
„Zemlja propala, dete drago,“ veli.

Pol političara po Međimurju je u šoku.
Neki su si dali šivati nove sakoje za sučeljavanje, a ve ih moreju nositi sam v crkvu.
Jen načelnički kandidat z maloga sela je rekel da bu išel v Podravinu glumiti nezavisnoga promatrača, čisto da mu ne propadne vikend.

A birači? Si zmučeni. Navikli da im se bar dvaput godišnje obečuvleju čudesa: ceste, vrtići, radna mesta i rotor z fontanom.
Ve toga nema. Ve si moremo jedino sami obećavati.

I kaj ve? Kam v nedelu?
Na kavicu? V šumu? V muzeje?
Ma daj, ne bumo se ve još počeli kulturno uzdizati.
To je opasno. Tak nastaju intelektualci, a znamo kam to vodi – v Zagreb.

Jedina šansa za spas je – organizirati „lažni drugi krug“.
Onak, mi Međimurci sami za sebe. Glasanje v birtiji: za gemišt il’ za pivu? Za pečenku il’ za pohanca? Za Dinamo il’ protiv?
Pobjednika kruniš s belom kapom i gemištom v ruki.

I tak… nek nam je Bog na pomoći v tu politički praznu, emocionalno devastiranu nedelu.
Kaj se mora, ni teško.
Samo da ne dojde i treći krug – onaj kad skužimo da se niš od obećanoga nebu ostvarilo.

*********************************INTERMEZZO**********************************