Da smo znali kaj je tak lepo familijarno vežbati, bi mi več zdovnja počeli

Sam vam mortik povedala kuljko sam kil natokla črez svetke? Nesam? Onda niti nam.
Srčeko i jo smo si premislili kaj malo vežbali ali kaj namo pločali te skupe trenere vunom fitneso, je on našel nekve vežbe na onom interneto.
Tak smo se mi lepo blekli vu trenerke, preprajili liter vode, vužge on televizor i pokože se nekva kredna puckica sam v gačaj i lajbeko tak kaj so japici mom joči zasvetile. I nikaj, tre bo početi vežbati. (Tak fitnes pucka veli)
Potlji dvajsti sekundi srčeko veli
– o da ti sveca! Jo se moram malo počinoti. Pak daj jo mogel tak doteknoti polce na nogaj nej mel šlaufe koli čreva. Mi je ve ron ne tre kaj me žgoravica pekla. Ti sam vežbaj jo te potlji dostignem.
I tak se on sedne kre japice i spije si janoga gemišta.
Ne prešlo pet minot da ti jo velim
– pak kaj je to pucka bnorela? Pak daj jo tak nogo zdigla bi mi se kok raskapčil! V koljenu mi škriplje a vo vroto poka kaj mislim da se bom raskopčila. Najbolje kaj jo počokam da bo nekaj ležešega. Kaj nej mortik išče i špogo delala!
Vutem je mojčika donesla cvirke i kobasice pak sam si i jo malo počinola.
– si ti videl (veli japica srčeko) to bogico? Ima rit kaj sermok peč a pogleč našo mojčiko. Ona bormeš ne morala skokati kaj jopica za takvo rit. Se je to ona svojima zobima nakosala.
Normalno da ga je mojčika vdropila z kuhinjskom krpom po hrganji.
I tak smo mi štiri jano vuro gledali pucko kak se moči. Išče smo si i hladnetino pojeli kaj je ostola od nove lete. Pak namo valjda fkrej hitali!
Zutra si bomo kupili utege. I japici jane kaj bomo si skup vežbali gledati ono pucko. Da smo znali kaj je tak lepo familijarno vežbati, bi mi več zdovnja počeli. Itak imamo još nekaj cvirki i prezvošta za rešiti. A mojčika je rekla da bo zlevanjko spekla kaj bomo nekaj friškoga pregrizli dok gledimo fitnes.
Se razme!

*********************************INTERMEZZO**********************************