Premišlavaja Suzane Martinuš

Pri nas je negda postojal lek koji je lečil od lenosti, poboljšal koncentracijo, čak negda i poprajil ocjene v školi, kulturno nas je zdigal, ak ste slučajno bili gljuhi i to je zlečil i išče čudej toga. Te lek se zvol bota i največpot mame a negda i tate so ga rado koristili. Dok me mama onak milo zvola, z rokami na hrpto, mom sam znola da je vreme za terapijo. A kaj da vam rečem, sam ne bila preveč “boležljiva” ali sam zoto tu i tam dobila leka. Mortik zoto kaj so rekli da sam vrogo z torbe pola.

lek

 

Denes sam postrojila ove svoje muške pre hiži. Pak to ne moč tak! I japica i srčeko i mali, saki imajo sam jane coklje, pravzaprav patike i to i za svetek i za petek. Za srom špot! Lepo jo njih v avto i idemo v štacun. Gombali so kaj bistrički bokci, kaj da ido na streljanje! Pak kaj vi mislite kaj bi sosedi koli prepovedali kak naši moži hodijo skorom pak bosi. Niti čuti!
I tak potlji tri vure nacukovanja po štacunima lepo smo išli dimo i saki je nesel po škatuljo dimo. I išče je se bilo na akciji. Tak smo kupili jadne štiklje, jane sandale z lepim remencima, baš onak hercik ruzne šlape, čižme na visoko peto… jo mislim da smo dobro prešli…skorom pak zabadaf. No, i so preživeli??? Jeso!

coklji

 

Zmislim se kak je negda pred skoro sakom hižom v Priloku bila klopa. Tak bi se ljudi dok so nahronili morhu i rešili se drugog dela, seli na klopice i “fejsali”. Je, neje onda bilo televizora (retko što ga je mel), i radio je bil sam za svetek, a kak neso meli nit telefone, morali so nekak doznati kaj se v seli dešavlje. Tak bi strina došla k nam na klopicu, sprepovedala kaj je fčera čula v drugi vulici, poslušala kaj moja baka ima za reči i tak so se šerali postovi. Te so klope bile ništ drugo neg denešnji fejs. Tam si mogel i pucu ili dečka nagledati. Tam smo se mirili i svadili. Dogovorali posli. I bili smo bolji ljudi. Bor jo tak mislim.

klupica

 

Kaj so ti moži! Nezna de mo v ormoro stojijo gače, štomfe išče kaj krim inspektor, na svetešnje hlače si obleče gornji del trenerke, očole ne vidi makar so mo na noso…ali, ono malo, čist malo kaj sam postrugnola avta, e to vidi i bez očoli i to dok sam prav ne još nit vu dvorište došla! A kaj se tiče retrovizora, to niti jo neznam kaj se pripetilo. Časna pionirska!

retrovizor

Suzana Martinuš

*********************************INTERMEZZO**********************************

Međimurska priroda – Javna ustanova za zaštitu prirode

Dozvoljeno je dijeljenje i kopiranje sadržaja ovog portala na druge portale, stranice ili blogove, uz obavezno navođenje izvora.

Ova web-stranica koristi Akismet za zaštitu protiv spama. Saznajte kako se obrađuju podaci komentara.