Moja baka Agna i mišeki

Bilo je to zdovnja (namo rekli da) dok sam jo mela koli deset let.
Vjutro veli mej mama
– čuj, boš skočila k peko po kruha. Ali beloga! Denes nam dedo teca Muna i teček Nikola (šteroga smo zvoli Nikolica) z Beograda. Namo se sramotili z črnim kruhom.
Do ona mej peneze i ajd jo v pekaro. Dok sam došla do vrot več so mi sline počele cureti od toga kak je dišalo. Nutri pak so mi oči kaj špekole narosle. Meli so i kifline! I to friške. Je, ali nega bilo dost penez. Zemem jo kruha, stiščem ga onak vročega i sam malo ftrgnem špico. Pak na nišče videl. Kaj da sam najboljšega koloča pojela. Dok sam došla do doma več je ljuknja bila kaj moja šaka. Ve sam vidla da vrog šolo bere. Nikaj, jo fletno dnesem kruha v špajz a mama je rekla kak sam se to dobro zmislila kaj se na sušil v kuhnji.
Da so došli teca i teček, skupaj z mojoj bakom dide mama po kruha kaj pemo bedovat.
Dok je zakričnola z špajza si smo se najenpot poseli.
– kaj je ovo za pet ron kristošovih!! Viče ona, drži kruha i gledi v mene
– jee, kaj jo znom? Morti imamo miše vo špajzo??
– miše, miše…hrčico se mej čini! Vikala je mama.
Noto je baka Agna dišla vo špajz i vrne se z zgriženom kolbasicom.
– kaj vičeš na dete! Na glej! I kolbos je zgriženi. Viš da zaprav jega miši vo špajzo!
Dok so si gledali kolbosa i kruha i čudili se mišima, mej je baka namegnola i pokozala falat kobasice vu fertofo. 😉🙂
Tak sam se jo zvlekla ali i den denes mi de kaj skopam ljuknjo vu belomo kruho. Ne zoto kaj sam glodna nego kaj se tak zmislim svoje bake Agne.

Suzana Martinuš


Svakodnevne priče, ubojstvo i seks

[give_form id=”6365″ show_title=”true” show_goal=”false” show_content=”none” display_style=”reveal” continue_button_title=”Donirajte djecu”]

Dozvoljeno je dijeljenje i kopiranje sadržaja ovog portala na druge portale, stranice ili blogove, uz obavezno navođenje izvora.

Odgovori

Ova web-stranica koristi Akismet za zaštitu protiv spama. Saznajte kako se obrađuju podaci komentara.