Tateki i čerkice

Zno se da so tateki slabi na čerkice. Tak isto i srčeko neje cepljen protiv toga. Dok je naša pucka bila išče šmrkljivka, tam negdi koli trinojst let, je zaprdnola kaj si pe hlače kupuvat. Jo sam ne mela čas pak jo je srčeko tpeljal vu Varaždin tam vune veljke štacune.
– baš nam bo dobro malička (foli se tatek). Ti si ne kaj mama štera nezna kaj oče a onda išče i vun z štacuna nikak ziti. Mi to zbojimo mom i onda idemo na sladoled!
I išče me pogledal onak – ahaaaa, viš kak je tatek dober z pucikom!
Ne prešla vura, doleteli so na grunt kaj z bojingom sedemstosedem a ne z avtom. Gume so škripale, vrota treskala i čujem malo kak viče
– nigdor več nikam nem z tobom!
– bormeš bez se brige! I neš! – frkče srčeko kaj šlagerani moček.
– pa kaj je bilo? Pitam jo.
– kaj??? Išče pitaš kaj! Demo mi vu štacun, zbere ona te čos hlače, dide si probat i onda je mene šlag strefil! Em je ona na sej mela zdropane hlače! Jo mom k trgovki
– čuj pucka, pa kaj vi to tržite? Nešče vam je ščehal hlače, i to ne jene neg se, i vi to niti ne vidite? Pa kaj se to tak dela?? Da sam ne videl bi si bokčika bila kupila some ljuknje! To mom se vrnite i nabajite provo robo a ne ovo kaj so miši zhrdali!
Tak sam ti jo držal propoved da bi mi na krojo rekli da je to moderno i da si ve to tak nosijo!
Sveca jim njivoga! Moja pucka na koli hola kaj daj mi nemamo penez za hlače! Nigdor! I šljus!
Te šljus je trajal sam do zutra jer je mala svoje store hlače zrezala škorjami a srčeko je kosal pene i rekel mje
– več nej krpati moje radničke hlače. Bom bormeš i jo moderni, vrog vas se skeljil!
🤣🤣🤣🤣

Suzana Martinuš


Donirajte Udrugu Mlada pera

[give_form id=”6365″ show_title=”true” show_goal=”false” show_content=”none” display_style=”reveal” continue_button_title=”Donirajte djecu”]

Donirajte Udrugu Mlada pera
Dozvoljeno je dijeljenje i kopiranje sadržaja ovog portala na druge portale, stranice ili blogove, uz obavezno navođenje izvora.

Odgovori

Ova web-stranica koristi Akismet za zaštitu protiv spama. Saznajte kako se obrađuju podaci komentara.