Šparavni Hans i Štefi

Došla nam je rodbina z Dojčlanda. Stric Iva i strina Štefa, samo kaj ih moramo zvati Hans i Štefi jer ipak oni živiju v inozemstvo. Loni smo mi s penzičima išli na Oktoberfest v Minhen pak smo si mislili malo k njim na kovo ali so baš bili v toplicama. Kaj boš.
I tak sam preprovila nekši zojtrek jer pedo poslje na morje pak kaj nado glodni. Ali nej puno, rekla je Štefi, tre šporati kak mi v Dojčlandu. Tak sam jo dela 2 pora kolbosi i kruha na stol. Znomo i mi šporati. To so pogotnoli v sekundi. Kaj nemaš ništ domoče, pital je Hans? Pak ve, imam cvirke i špeka pak i kosana mosti…Dej!! Zakričal je Hanzi. I tak so oni šparovno pojeli još i protvan buftlini i spili pol litre šnopsa i liter domočega vina. Za to celo vreme so nas lepo vučili kak mi neznamo živeti i da se peneze pofrotimo na jesti i piti. A oni tam čudej delajo i sega se odričeju. Soze so mi na oči vudrile, pak sam im mom spakerala vrečo kalampera, mož je zaklal svinju i štel je dati pol ali su celoga hitili v gepek, pak nekaj povrtelja i demižonko vina. I posteljinu smo im spakerali jer so pozobili zeti sobom na more. Kaj boš, čudej delaju i nebreju na se misliti. Tak sam im još nakuhala lonec sarme i filjane paprike i spekla piceka za po poto. Ve so ron dišli te naši bokčeki. Je, sam zobila reči…bili bi nam kupili Milko čokolodu v Minhenu ali je štacun ne delal v nedelju. Viš kulko so oni bolji od nas. Doooogo smo im mohali i bečali kak dežđ dok so konačno dišli. Sermaški Hanzi i Štefi

Suzana Martinuš


Donirajte Udrugu Mlada pera

[give_form id=”6365″ show_title=”true” show_goal=”false” show_content=”none” display_style=”reveal” continue_button_title=”Donirajte djecu”]

Donirajte Udrugu Mlada pera
Dozvoljeno je dijeljenje i kopiranje sadržaja ovog portala na druge portale, stranice ili blogove, uz obavezno navođenje izvora.

Odgovori

Ova web-stranica koristi Akismet za zaštitu protiv spama. Saznajte kako se obrađuju podaci komentara.