Znaš, Oliver, žal mi je kaj je ne se bilo dostojanstveno

Oliver, upoznali smo se ti i ja jer ja sam konobar. Ti mene nisi zapamtil jer si upoznal puno konobara u životu, ja tebe jesam. No bez brige, ono što se dogodilo za stolom koji ja poslužujem, ostaje za tim stolom. Ja sam ti pripadnik manjine  koja ne zna se tvoje pjesme napamet, no to je i ne važno jer pri nama tak  i tak ima puno manjina. Moje ti je prokletstvo kaj više pamtim izjave dane u prošlosti nego pjesme ispjevane u sadašnjosti. Ali bez obzira na se to i bez obzira na to kaj si Dalmatinec, žal mi je kaj nisi imal dostojanstven sprovod.

Žal mi je kaj je komaj komaj f prvom redu bilo mesta za tvoju familiju, ali ne i za rodbinu i prijatele. Jer s f prvi red porinula ona koja tebe nije pozvala v nijedan red na svojo inaguruacijo, žal mi je kaj se f prvi red porinul onaj koji se i inače tak i tak sikam rivle, a najveć f tuđe riti. Žal mi je i kaj se f prvi red porinul onaj koji nigdar ni bil širokogrudan, ali je saki den se bole  i bole širokopojasan. Žal mi je kaj nisi imal sprovod bez sjene, ne one sjene ispod čempresa,  nego one sjene ispod olujnog oblaka. Jer oluje su ti takše, dojdu, rasture i odideju.

I ve za par dana bu se pak jedna spominjala. No tota kaj bu se spominjala je bila dobra oluja. Mada ti nju ne voliju baš jeni jeni zato kaj te kaj ju nemaju rad su i krivi za nju. Ve dok se spominamo o oluji sam se zmislil: znaš kaj mi se desilo? Imam ti ja isto totoga fejsbuka i ve jen den mi je fejsbuk za prijatela ponudil Milorada Pupovca. To ti je jen koji ti stalno nekaj mlati protiv stanja v ovi državi rom tak kak i ja, sam kaj on tu i tam prestane dok kapne nekša pinka. Meni ništ ne kapne pa ja i dale lajam, ne protif oluje kak on nego jer bi štel kaj bu nam bole.

I ve dok se već spominamo, kaj ti još ovo povem: si mi moramo hmreti, ali zakaj si ti rom ve moral? Nisi to baš najbole sinkroniziral s kampanjom. Ve je ona na komemoraciji morala biti tužna, ali posle se već na rivi cerila od uha do uha s turistima, kaj da je opće ne na sprovodu. Malo me ve sram kaj se ovo pišem dok si još niti 24 vure ne pod zemlicom, ali moram prije nek pozabim. Znaš da se pri nama se brzo pozabi. Mortik te se pak zmislijo dok bu službena kampanja pak budu zeli nekšno tvojo pjesmo za koračnico. Sikak, nek ti je lahka zemljica, pa makar i dalmatinska!

_____________________INTERMEZZO_________________

Donirajte Udrugu Mlada pera

_____________________________________________________

Kuna putovanja - putovanja bogata iskustvom
Dozvoljeno je dijeljenje i kopiranje sadržaja ovog portala na druge portale, stranice ili blogove, uz obavezno navođenje izvora.