Bojkot

Bojkot ne može proći bez šaljivog osvrta Suzane Martinuš koji vrijedno doprinosi projektu ”Nisam danguba, samo stvaram povijest”

Petek, rano vjutro, tak koli pol devet:
Japica se buvlje, skunjka jer ga šlaufi koli čreva tiščeju, gomba kaj bistrički bogec.

– kaj je gospon (pita ga mojčika)? Kam si se sprajil?
– bok s tobom! Pak k peko po kruha i žemlje kak i saki den.
– aaa ne! Denes nikam z grunta! Si pozobil da je denes bojkot?
– je, pak je to sam za štacune…
– kaj?? Viš, ti peš k peko po kruha pak se boš onda zmislil da bi mogel i kakvo salamo kupiti pak onda stemor i liter vina a sigorno boš i v mesnici kupil dvajsti deki cvirki i dvo prsta prezvošta. Se to jano vleče drugo. Zuj se i nikam z grunta. Mi poštivljemo bojkot!
Japica gomba ali kaj…mojčika je hujša od sindikata!

Sobota vjutro, čist zaron:
Srčeko si navloči ribičke škornje, vože bote, pregledovlje črve, zbroji pive i čohlja se po glovi.
– kam, sinek, kam? (Pita mojčika)
– pak vu ribičijo. Komaj kaj sam jan den fraj a i pajdoši me več čokajo…
– kaaaj? Nikam z grunta! Mi poštivljemo bojkot!
– je pak kaj ribe imajo s tem??
– kaj? Išče pitaš? Pogleč, sfaleli so ti črvi. Znači, kak nemamo gnoja, ti ih naš skopal neg peš vu štacun ponje. A vidim i pivi bo ti sfalelo. Zoto lepo bote f kot i pete brnoti fkrej od štacuni!
I pok, kaj bo bogec srčeko ak si znomo da z mojčikom nega šole.

Tork potlji polneva:
Sam kaj sam si toško hitila na pleča, doproši mojčika i vdropi me z kuhinjskom krpom.
– kaje! Kam se gospa zravnala?
– pak k frizerki i kaj mi nofte pomolajo! (Zacvilim jo jer već znom kaj me čoka)
– a tak! Bojkoteraš bojkota znači! Zote to ne vredi ha? Ti jedina z naše familije ništ ne poštivlješ!
– je ali…
– nikaj ali! Nataperaj se domaj a i nofte si rom tak moreš soma naličiti. Si so se pogospodili i kak nam bo onda dobro notem sveto!?
Je ništ, ostola sam jo bez frizure i bez nofti. Što ji vupa kaj reči. Se si mislim da bi jo trebali deti pred štacune kaj žandora. Sto posto bi si bojkoterali kupuvanje.

Četrtek vjutro, joooko rano, mojčika išče spi:
Japica, srčeko i jo smo se črez oblok zvlekli stiha kaj nas nej čula. I se bi dobro prešlo da srčeko neje zacvekental z onim zvončekima za ribe i onda ga je japica z botom vdropil.
– kaj je!!! Kam so se gospoda sprajila? (Normalno, žandorka je čula)
A mi tri v jan glos
– k meši!
Kajpak da nesmo nikam išli! Smo ne vupali. Očete reči da bi vi vupali? Malo zutra!
Da mo sto svecof i bojkotu!

*********************************INTERMEZZO**********************************